سر تسونيه جدا بسيط بيرزقك الله بالحمل و كل شي تتمنينه بإذن الله
سلام عليكم يا بنات اتمنى انكم بخير و اموركم طيبه .. انا جديده معاكم بالمنتدى حبيت ابتدي مشاركتي بهالموضوع ... راح اقولكم على سر بيغير حياتكم و مو بس كذا ربي بيرزقكم من وراه اي شي تبونه مو بس الحمل و بيحفظك ربي انتي و كل اللي فبيتك زوجك و عيالك و مكانك و هو سر بسيط بالنسبه لأي وحده فينا بس عظيييم واااايد عند رب العالمين ... طيب بلاش اكثر رغي ادخل بالموضوع على طول هههه .. اكيد الحين كلكم مشتاقين تعرفون شنو هالسر ... بقولك و فتحي وذانك و مخك معي ... السر هو الصدقة ... اي الصدقه .. بدلك على طريقة حلوة و ممتعه و بنفس الوقت تلقين عليها اجررر كبيير بآذن الله ... كل يوم تاخذين اي شي من لفلوس اللي مو محتاجتها يعني اللي بس زايده عنك ريال او نص ريال .. اي شي مهما كان بسيط.. بتحطينه بمكان معين و كل يوم ع هالحال تحطي اي شي ما عندك به حاجه ولو قليييل بس ترى اجرها عند ربنا كبير و يوم ورى يوم لييين يوم الجمعه و تاخذين الفلوس تتصدقين بيها ... كل جمعه كذا .. ترا الصدقه اهم عباده لو مثلا رحتي للقبر بعد عمر طويل ان شاء الله راح تتمنين انك ترجعيين بس عشان تصدقين لانها عباده عظيمه ... مين الشاطره اللي بتسوي كذا منها تتقرب لرب العالمين و رزقها بيكون فيه بركه و كمان تكون على ثقه ان اللي بتدعي به راح يستجاب ان شاء الله ان كان لها خير فيه .. و طبعا ما ننسى الاستغفار يا بنااات ... و حياكم الله 😊