لقيت محل يابنات الخرج يبيع ماركة الشدو الكلاسيكي وقولدن فنار وأشياء ثانيه

للرفع

جبت الأخبار لكم بالتفصيل
طبعن كل الأغراض ألي بتكلم عنها هذي من محل نعومي للمكياج شعاع ماعنده غير الشدو المخملي
حصلت عنده سراحه أغراض روعههههههههههه منها أولا الديرماكول بجميع الدرجات
وكذلك ماركة شارمل من كريم أساس وبودره ولمعه للمكياج ومثبت مكياج
وحصلت شدو بن ناي المائي وكحل سمايلنق وكحل ديانا الأصلي وشدو قولدن ليدي وقولدن فنار ولمعات من الماركتين والله فيه أشياء ثانيه بس معد قدرت من الزحمه وأي سؤال أناحاضره للغالين

ياعمري انا اسفة بثقل عليك.... السوق عرفتة بس ابي اعرف وين مكان المحل لاني مارحت السوق هذا الامرة مع زوجي:arb: بعد ماحنيت وازعجتة :( ابي اشوف ها لسوق دخلني من طريق وطلعني من الطريق الثاني وقالي خلص السوق لا وداني الصبح قال ايش عن الزحمة :22: لانه مايطيق السوق..... صجيت راسك من الهذرة بس وش اسوي يمكن اذا قلت لك قصتي اكسر خاطرك وتتحمليني وتحلمين على و توصفين لي وصف مفصل يعني وش اقرب شئ له
اذا تجاوبيني اكون شاكرة لك

وابغ اسألك بالمرة بس لاتقولين هذي ما تنعطي وجة.........بنتي باقي ماشريت لها شئ مناسب للعيد كل عام وانت بخير ومالي نفس انزل الرياض هذا السوق فية محلات اطفال... فديتك اذا بتحملين اسألتي الكثيرة وهذا وردة مني لك:26:

تامرين أمر مافيه كلافه بقولك الوصف أول ماتوصلين السوق طبعا جايه من جهة البنك العربي على طول لفي يمين يعني البنك على يدك اليمين وسيده لين تجين محل وادي النحل بعدين أنزلي ومشي سيده يعني يصير محل وادي النحل على اليسار وبتلي لين تلقين المحل على يدك اليسار أما محلات الأطفال مالك ألى الحديثي لأن هذا سوق شعبي وأي خدمه أنا حاضره

ما قصرتي يا بعد عمري بصراحة اهل الخرج تعجبني فزعتهم مشكورة حبيبتي بس مشكلة الماركات نزلت الشتوي و على قولتهم ربيعي وانا نازلة في العيد عند اهلي بشرقية يعني مسكينة بنوتي بتفطس حر:eek: