التجمع ( 37 ) لأجمل حوامل وأمهات توأم👩‍👦‍

ياربي يسعدك ويسمع منك ويخلي لك عيالك يا رب
اببشركم بعون ربي
دعواتكن مرا تعبانه احس بطني مضطرب مع الحمل غازات ومغص الله يعين والهضم عندي متعبني

الله يشفيك
انتبهي لنوعية اكلك اكييد الاضطرابات من الاكل زي البقوليات والبصل تجيب الغازات

لازم الحامل تننتبه لااكلها خاصة الشهور الاولى زي البقدونس يجيب تقلصات مايصلح فالشهور الاولى مع ان بعض الحوامل عايدي بس بعضهم يتاثرون

وسلامتك

بالنسبة لابرة الرئة اذا انتي ضامنه انك توصلي لنص التاسع يعني خلاص مايحتاج


اما اذا متوقعه ولاده مبكرة فلازم تاخذيها


هذا كلام دكتورتي وانصحتني اخذها لاني كنت خايفه من الولادة المبكرة والحمدلله سمعت كلامها


ليش انتم خايفين منها سامعين عنها شي😅

انا اخذتها بالسابع وباخذها بالتاسع..
ومقتنعه تماما فيها..اطباءي الاثنين متفقين ان حمل التوأم يعتبر ريسك فاكتور حتى لو الحمل طبيعي وسليم وستيدي ومافي نزف..
لانه غير متنبأ فيه..
والابرة مالها اي ضرر فا اشوف الواحد من الاحوط ياخذها ويضمن لو جا ولادة غير متوقعه يكون متطمن على رئة البيبي تكون تقوم بعملها..ومايطول بالحضانة..
طبعا الاطباء يختلفون وكل واحد له وجهة نظر وقناعة..والله يتمم لنا جميعا بخير..
انا جداً متضايقة اليوم..
تخيلوا من حملت لين دخلت السابع وانا اداوم..ماجلست بالبيت الا بناء على توصية طبية وتشديد على أهمية الراحة..
والحين في كم شخص مسوين بلبلة على اجازتي..
مره شي يحزن..الحين الكل بشغلي عارف اني متزوجة ٧ سنوات بلا اطفال..وعارفين شقد حملي عزيز..
حطوا نفسكم مكاني!!
حسبي الله بس..

انا عكسج من حملت اللي داومتهم بس يومين وفي هاليومين اللي داومتهم ارجع البيت ماسكتني حراره واتنوم جو المكتب كان متعب وكلمت مسؤولي وقال آخذي راحتج بالإجازات الله يجزاه خير ماقصر بس للامانه انا كنت مجتهده بالشغل والله مسووليه المكتب والبنات وإجازاتهم ومشاكلهم وغيرها وجات ايام البنات يسحبون علي ويصير ضغط علي ولي سنين معاهم والحمدلله مقدر هالشي بس اللي متخوفه منه التقييم السنوي لانه كل سنه امتياز هالسنه مادري وش بيعطوني 💔💔
بس مب مهم لا تقييم ولاغيره اهم شي اللي في بطني الله يرزقني شوفتهم
ومن جاتني ولاده مبكره الدكتوره قالت لي ماتحومي كتير خلاص راحه وفي موعدي نفس الكلام تقول ارتاحي ومن نفسها كتبت على اجازه الحمدلله الله يسخر لنا عباده