شاركي في النقاش

سجلي الدخول لإضافة تعليق.

التعليقات

334
  1. @am_alooooolyd_22

    صاحبة الموضوع
    رحاب الصبر
    طيب ماقال شي او يمكن ماشافها خلي واحد من عيالك يقول له ترا بنروح لبيت جداننا حنا وامي وامي عبت الشنطه حقتنا شوفي وش يقول
    راح دوامه وجاء وانا مطلعت من غرفتي جاني مشوين ولدي يقول ابوي يبي جاكيته ماعندي له شي بس الضاهر بيشوف انا حيه ميته حتى بنتي اشغل لها جوالي وانام انا وياها مابي يسمع لنا حس عطيته جاكيته على عيوني النوم عطيته وقفلت الباب شوي يقولي هذا حق اخوي واسمعه بالغرفه جنب غرفتي يناديه تعال خلاص لقيته وطلع يعني شاف شنطتي وكيس كذا بنص الغرفه شنطه ماهي مليانه بس كم قطعه طلعت لقيته مخلي غرفته اللي ينام فيها مفتوحه وهو يقفلها وين مايروح ليش مادري يعني مافيه شي اخبيه عنك ولا عادي تكون مفتوحه وهو يسمعني صوته ويبي جاكيت نصب بس كذا بس بيشوفني ليش مالي حس وعلى الله وعمتي ماخبزت لها ولا طلعت قضيت منهم
    المحلله النفسيه تحلل ليه يتعذر بجاكيته ولي خلى غرفته مفتوحه ليه يالله كل وحده تشتغل كونان وتعلمني
    في تقدم ولا لا وش نيته الله اعلم
  2. الله يستر عليك يأم وليد مايحتاج تذكرين تفاصيل والله أحس بقهر لما أتابع وضعك تذكرين شي مايصلح ينقال وربي ادعيلك ربي يسخره لك ويحنن قلبه كيف عاد 26 الف مشاهد امانه استري نفسك واعرفي لوضعك وزوجك سايسيه ولاتضعفين شخصيتك عنده احترمه بس ماهين نفسي له وبيني ان وراك رجال يخافهم ولاتناقرينه كثرة الكلام يكرهه فيك الصمت حكمه وسالفة طبخ ونفخ بطليها كيف يعرف انك زعلااانه حتى كلام لاتكلمينه لين يحس ع دمه والله يفرج همي وهمك ويسخره لك وصلي الوتر وادعي رب العالمين الناس ماتنفع بشي
  3. @rhab_alsbr

    ام الوووووليد 22
    راح دوامه وجاء وانا مطلعت من غرفتي جاني مشوين ولدي يقول ابوي يبي جاكيته ماعندي له شي بس الضاهر بيشوف انا حيه ميته حتى بنتي اشغل لها جوالي وانام انا وياها مابي يسمع لنا حس عطيته جاكيته على عيوني النوم عطيته وقفلت الباب شوي يقولي هذا حق ا…
    والله ما ادري وش اقول لك السالفه طولت والله
    شوفي لك حل الوضع كذا متعب نفسياً لك لا انتي طايله لا سما ولا ارض انتي تعبانه ولانومك مثل الناس ولا اكلك مثل الناس انا حاسه فيك
    وهو يسرح ويمرح يمكن بغى الجاكيت لان اليوم خميس وبيسهر مع اخوانه او اصدقائه وبيشبون وبيسمرون علشان كذا طلبه
    والغرفه تركها مفتوحه يمكن يبيك تنظفينها والله اعلم
    بس انتي لا تجهدين عمرك ولا تسوين شي ولا تكلفين على نفسك يااختي كفايه اللي انتي فيه ترا الهم يذبح والله اني مقهوره مره عليك مهي حاله هذي
    اذا جا ارسلي له واحد من عيالك يقول له امي تعبانه وبنروح لجداننا
    اما كذا والله تعب عليك نفسياً

تابعي تجارب أخرى من هذا القسم.