تباشير مواليد نوفمبر & ديسمبر الثالث ❤️❤️❤️

خلي الولد يرضع ويخف التحجر مره

بالنسبه للبكاء هذا طبع الصغار فيهم اللي يبكي بقوه وفيهم الهادي والصفار الدكتور قالي الرضاعه الطبيعيه بكثره تخليه يروح واذا صناعي رضعيه كثير عشان يطلع مع البول الصفار ويتصفى الجسم بس دام الدكتور طمنك الحمدلله هم مايطلعونهم الا كاشفين عليهم 💞

بسم الله نبتدي حكاايتنا ✨
ليلة الأثنين جلست الساعه ١:١٥ نص الليل تكرمون عشان دورة المياه ..
بعد مارجعت سريري ابغى اكمل نومتي حسيت بتقلصاات آلام اسفل البطن وطالعة الساعه ابغى اراقبها هل منتظمه ؟
وفعلاً بدت تروح وترجع الى الساعه ٢ ..
يعني نص سااعه وانا ع السرير والآلام تروح وترجع لكنها طبعاً خفيفه كانت بهذا الوقت لكن استبشرت وحسيت ان ولادتي قربت..
المهم قمت من سريري وبديت اتمشى في الشقه .. وكمان جهزت منقوع التمر بمويه دافيه الله يجزاها بالخير اللي نصحتني فيه هنا وحده من اخوات التجمع ..
وكمان اخذت لي دش داافي وبعدها دهنت بطني وظهري بزيت زيتون دافي وحبة البركة ..
وكملت شغلي بالشقه .. اتمشى واشتغل تشطيباات أخيره .. وجالسه انتظر الفجر عشان اجلس العيال واجهزهم للمدرسة حااسه لسى باقي وقت على روحة المستشفى وخلال هذا الوقت كماان حسيييت بثقل اسفل البطن وكثر دخولي لدورة المياه ..
وفي كل مره ادخل دورة المياه احس ان المويه راح تفتح معي من الدفع .. لكن خااب ظني 😪
المهم طلع الصباح وفطرت عيالي وجهزتهم وعطيتهم خبر اذا رجعو من المدرسة ومافتحت لهم الباب بسرعه يروحو بيت اهلي لان احتمال اكون بالمستشفى ..
حاولت كذا مره اعمل تمارين القرفصاء .. ومستمره بالمشي والجوال بيدي .. متردده اتصل على امي ..
بعد ماحسيت ان الالام زااد .. رحت عند امي
وطبعاً هي شاكه تقول لسى بدري على ولادتك !!
افطري ونامي ؛ وانا وقتها شهيتي مسدوده والنوووم طاااارحدي شربت حليب بالقرفه ..
انتظرت للساعه ٩ ص بعدهاا ماقدرت قلت لها انا اعرف نفسي ولادتي مقربه خلاص وشكيت ان الرحم مفتوح عندي ٧ نفس ولدي الاخير ..
لان انتظرت بالبيت على ماحمى الطلق .
المهم ركبنا السياره وزااادت الألام 😩 و الـפـّمدُللّــــہ ان المستشفى قريبه.
وصلنا دخلوني الغرفة ركبو علي التخطيط وجات الدكتوره تكشف لقت الرحم مفتوح ٤ فقط!!
قالت لها امي عادي تطلع من المستشفى ؟
قالت اذا بتطلع على مسؤليتها والمفروض ماتطلع بما ان هاذي رابع ولاده احتمال كبيير تتيسر امورها ويفتح عندها بسرعه وتولد وطبعاا في احتماليه انها تطول الله اعلم ..
انا هنا خفت من كلامها !! قلت خلاص راح اجلس بالمستشفى لكن ابغى اشيل التخطيط واتمشى عشااان يفتح الرحم اسرع بما ان الطلقات منتظمه .. قالت مو مشكله لكن انتظري دقايق نراقب التخطيط.
وفعلاً من الجهاز واضح انه اشتد ..
جات الممرضة وشالت التخطيط من علي وانا فرحت ابغى اتمشى ...
كنت فاهمه غلط،، لانهم انقلوني غرفة الولاده مباشره 😳 ..
ورجعو ركبو جهاز التخطيط والمغذي كمان ..
وانا اسال متى امشي ماابغى اطول الى الليل بالمستشفى ..
جات الدكتوره تكشف لقته فاتح ٥ ..
بدت الآلاااااام تزيد ( اسميها الزلزال) يعني مافرق طلق البنت عن الولد ..
وقتهاااا حسيت اني مو قادره اتحرك خلاص ومافيني امشي ...
وفجأه انفتحت مويه الجنين ... وناديت الدكتوره ..
بدو الممرضات ينظفون المكان .وطبعا قالت لي الدكتوره ان البيبي تبرز 😨 انا خفت على نفسي
قالت لاتخافين امور البيبي تمام قلت لها وانا مافي ضرر علي؟؟ قالت لا..
وبعدها بدووو تحضيرات الولاده ..

الـפـّمدُللّــــہ الطاقم الطبي الدكتوره والممرضات كانو لطاف معاي وكل ماشاافوني اتوجع قالو بس خوذي نفس..
على قدر ما اقدر كنت اطبق اللي تعلمته واتنفس بعمق واحااااول ماابكي او اصرخ ؛
لكن ماقدرت وقت خروج الرااس صرخت هي صرخه وحده وطلعت بنتي ع الدنيا واشرقت حياتي بقدومها واول ماطلعت شلت كمام الاوكسجين وسألت الدكتوره بنوته قالت ايوا وابتسمت ونسييييت كل الثقل وكل الآلام اللي شفتها وحطوها على صدري ..جهة قلبي💓
💕💕💕💕💕💕💕💕

١٨ فبراير بيني وبينك اسبوع ..
افضل حل تتناسين موعد ولادتك
اليوم موعد ولادتي والله ولا حولي شيء
البارح جتني تقلصات وراحت عقب ماتروشت ..
خلاص غسلت يدي ، وربك كريم
ولادتنا في يوم معلوم وقريب مالنا إلا ننتظر ❤️
بالنسبة للطلق إن شاء الله ما تحتاجينه .. وإن كتب ربي واخذتيه خيرة من عنده اهم شيء متابعاتك احرصي عليها.

وكمااااان في لحظات تعبي بالشقه ذكرت كلام صديقتي دلوله ..
انو احتمال ماايحمى الطلق مثل الولد اهم شي نروح المستشفى ونطمن ..
فعلاً الطلق في البيت كان محتمل ومنتظم ..
وفرق معي طلق البنت عن الولد انه على فترات طويله ..
بدت من ١:٣٠ منتصف الليل وولدت ١٢ ظهراً ..
يعني الطلق الفعلي حمى بالمستشفى وبدأ الرحم يفتح ..
نصيحتي؛
عليييييكم بالمشي .. وتتسهل اموركم باذن الله ..
كمان من الامور اللي حسيتها نفعت معي التين ومنقووع التين لان يساعد في ارتخاء العضلات ..
تمارين القرفصااء ..