الدكتور فشلني قدام زوجي يقول بطنها متشقق

السلام عليكم
اخواتي انا لي شهرين والده قيصري ورحت اراجع عند دكتور ❌❌ عشان يشيكون ع الجرح وكذا ويوم شاف بطني قال بطنك كله ترهلاااات وخطوط وقال اعملي رياضه تشد البطن بطنك خربااان وقعد يمدح في زوجته ان عندها 6 اولاد وعمرها فالاربعين يقول كانها ماجابت احد والتفت لزوجي وقال اذا ماعملت رياضه زوجتك ولاراحت التشققات تعال ازوجك ❌❌❌ عندنا يقولها بمزحه... اه يالقهر تعالوا شوفوا وجهي يوم قال هالكلام حسبي عليه ليته سكت ولاانحطيت بالموفف ذا تكفووون بنات وش اسوي من جد بطني يفشل كله جلد متصفط ع بعض وخطوط ومترهل كاني جايبه 10 😢😭😭😭😭😭😭😭😭😭😭😭

31 تعليق 10,270 مشاهدة

شاركي في النقاش

سجلي الدخول لإضافة تعليق.

التعليقات

31
  1. @hms_alnsym_14

    بصراحه الدكتور ماعنده أي احترام أو ذوق
    عليكي بتمارين البطن يوميا وقللي من الدهون والنشويات والحلا والمشي واتبعي نظام صحي وقللي من الأكل لاتعطي نفسك على كيفها والتزمي بالتمارين طبعا لازم وقت عشان تشوفي نتيجه لان دوبك والده
    وبالارادة كل شي يصير
  2. @ghyom_25

    جيبي قاروره قزاز وقلفيها بقصدير وعبيها زيت زيتون وحطي معها قهوه (انا حطيت عربيه)ولك الاختيار باي نوع وعدد الملاعق على حسب القروره انا حطيت قروره جبنه الصغيره وملعقه قهوه وسكرت عليها وخليتها 14يوم وكل يوم ارجها وبعد المده استخدمها قبل الشور بساعتين والبس ملابسي وربي وربي ان التشققات اختفت 80٪ولكني تركتها لي شهر ونص وبرجعها لاني الحين حامل وصح مده الاستخدام شهر بالاسبوع ثلاث ايام فقط
  3. @am_knsoaa_mmsoaa

    حبيبتي ذا مو دكتور انتي هو يشوف الجرح ولا يتفرج ويقيم

    والله لوني منك لقوله غض بصرك وشوف جرحي ولا يكثر

    ويوم قال لزوجك زوجتي قولي حرام تظهر زوجتك لو بالوصف قدام رجل غريب سوا مدح او ذم

    وانتبهي لجسمك وسوي تمارين وسكراب على خفيف من ناحية الجرح ورطبيه وان شاء الله يتحسن
  4. حبيبتي انتي والدة قيصري طبيعي العضله تضعف وتترهل
    بعد ٦ شهور سوي تمارين شد للبطن وركزي ع البطن السفلى لان هي الي دايم تترهل بلس المشي يوميا مدة ساعه
    اغلي وجبة العشا نهائي وقللي السكريات والنشويات

تابعي تجارب أخرى من هذا القسم.