ابغى اتخلى عن اطفالي لطليقي وش الخطأ بالموضوع ؟!!!

بختصار ، اختي عانت بحياتها كثير تزوجت وهي صغيرة! كان الموضوع اجباري .. اول طفل جابته كان عمرها ١٦ ، الأن عمرها ٢٥ سنه احسها مكتئبة بحياتها . وكل ماجبنا طاري زواجها تبكي ع طول و تزعل من امي وتسب ابوي وقبل شهرين تقريباً فتحت شنطتها لقيت البوم صور زواجها مافيه ولا صورة ..! استغربت سألتها وين الصور ؟ قالت قطعتها وحرقتها .. امي خاصمتها وانا بعد !! وسألتها بعدين ليش قطعتي الصور ؟ قالت كل ما اشوف الصور اتذكر اليوم الكئيب اللي عشته ذاك اليوم .
الأن قالت لي انا انها بتتطلق ، وتترك اطفالها مع زوجها وان هالاطفال ماجابتهم باختيارها . وانها تعبت في حياتها كثير وتحملت مسؤوليات كثيرة ولا عاشت طفولتها وحياتها صارت كئيبة . وقالت انها بتشوفهم مرتين بالاسبوع . ! انا رفضت وقلت غلط ولو ماتبينهم انا ابغاهم ! قالت انتي م راح تحسين فيني ولا فيه احد راح يحس بـ المي لانك ماعشتيه
قلت لها مهما صار هذولا اطفالك كيف تتركينهم ؟كذا ؟
قالت انا ماراح ارميهم بميتم بحطهم عند ابوهم ؟
برايكم اختي معاها حق باللي تسويه ؟

33 تعليق 12,716 مشاهدة

شاركي في النقاش

سجلي الدخول لإضافة تعليق.

التعليقات

32
  1. @goana_49

    يمكن تحتاج بريك في حياتها محد يقدر ينصحها مثل استشارية اسرية ... و هي صادقة هي ما راح ترميهم و دامها بتشوفهم مرتين في الاسبوع كمان يساعد ، المهم خليها تستخير و الله يرزقها راحة البال
  2. @jonoon_1

    باين نفسيتها تعبانة خلوها لين تهدأ وترتاح وهيا بنفسها تقول ابغاهم عندي أستغفرالله الذي لاإله إلا هو الحي القيوم
  3. دام الموضوع اجباري و حتى لو كان الرجل جنة و حبوب ماراح تقدر تعيش مرتاحة

    بتحس بنقص :(

    قرارها صعب جداً , والاصعب نصحها ومشورتها !!
    هي تحس انها ماعاشت حياتها و تحملت المسؤولية بعمر صغير جداً بهالزمن !
    ما اشوف الانفصال حل :( عشان الاطفال لكن خل تجرب ترتاح في بيت اهلها 3 شهور و تشوف تحكم

    اعرف وحدة دايماً تحس ان الطلاق حل لها و تعذذبت من زوجها حالته حاله الله يهديه

    لكن لما جلست ف بيت اهلها شهر واحد قالت بالحرف الواحد ( صدق من قال نار زوجي و لا جنة اهلي )
    انصحيها تدعي ربها وتستخير فما خاب من استخار و ماندم من استشار ~
  4. @btol_27

    خليها تجرب تبعد عنهم شوي اختك مضغوطه وواضح انها تحس ان اطفالها ضغط عليها راح تجرب الحياه بدون اطفالها وبتتعلم انهم ماهم سبب ضغوطها اختك محتاجه تعيش التجربه علشان تتعلم بس وتشوف الطريق صح بدل ماتراكم اخطائها وتعيش طول عمرها تحمل اطفالها السبب والمسؤوليه ..

تابعي تجارب أخرى من هذا القسم.