عادي تدفعي تكاليف عرسك

السلام عليكم كيفكم بنات
بدخل بالموضوع ع طول
والافضل المتزوجات يجاوبون
لو زوجك فتره الملكه علمك بظروفه الماديه انه مايقدر ياخذ قرض عشان يسوي فرح كان معتمد ع بنك التسليف
ورفضوه عشان الشروط الجديده هو عنده التزامات قسط سياره وكان ماخذه قرض ميسر للمهر
تساعدينه بتكاليف الزواج لو كنتي مقتدره او مثلا اهلك يسون حفله الحريم
وهو عليه السفر لو مكان بسيط لان اذا محد ساعده بيتاجل الزواج لين سنه وممكن بتصير مشاكل ليه مثلا مش مستعد ماديا والخ
طلب مساعدات من اهله وكل واحد تحجج بحجه ظروف لان المبلغ مكلف مو اي احد بيسلف احد ولا بياخذ قرض عشانه


جاوبو بعقلانيه
انا رايي لاختي خليه يتعب ويدور حل عشان يحس بقيمه الشي
وممكن نساعد با اشياء بسيطه تقديمات مثلا المطربه
ومرات اقول مو كل الرجال سيئين يعني ممكن تكبر بعينه انه ساعدته ووقفت معه

47 تعليق 12,349 مشاهدة

شاركي في النقاش

سجلي الدخول لإضافة تعليق.

التعليقات

40
  1. @aol_thanoy_1

    برأيي تكنسل الزواج من البدايه داهم ع البر
    اختي اخذت واحد على قد حاله لو تشوفين حالتها الحين ياااارب فرج همها هي وزوجها ويغنيهم
    حتى زوجها ندم انه استعجل بالزوااج ويقول نصيحتي لانتزوج الا وانت مقتدر وعندك دخل ثابت او تجاره
    لانه تبهذل وحتى ايجار الشقه مو قادره عليه
    مع انه راتبه لمن تزوج اختي ٧ الف والحين ٥
    بس يااااعمري الله يفرج همها ياررب حزينه عليها البنات اللي بعمرها عايشين حياتهم وهي بهم
    يارب ترزق اختي وزوجها واختك وزوجها من حيث لايعدون ولا يحتسبون
    صدقيني رح تتزوج ويجيها الهم من دين لدين وضفط نفسي كبيييير قسم بالله صرت خايفه اتزوج
    الله يرزقني ولد الحلال الغني المقتدر
  2. @ahlam_22_2

    لا طبعا م راح ادفع تكاليف زواجي كله بس اذا الزوج يبي يسوي زواج ع قده م راح اتشرط لكن اذا ابي زواج كبير وفخم ابسوي انا
    انا زوجي كان يبي يسوي زواج بسيط يعني بقاعه صغيره وعائلي واهلي ارفضوا وقاله ابوي حنا بنسوي زواج فخم والله ابوي هو اللي تكفل بكل شئ زوجي دفع اللي يقدر عليه فقط
    وترى عادي اذا الزوج يجهز لزواج مدة سنه او كم شهر
  3. لا طبعا لا ترفضينة عشان الفقر
    اذا كويس بس وضعه بسيط عادى
    مو لازم عرس وقاعة وكوشة
    خذوهم فقراء يغننهم الله
    اهم شي دفع المهر
    وعنده سيارة ووظيفة وانسان كويس
    اهم شي
    تسال عنه
    وهل له سوابق
    هل عنده أمراض نفسية
    هل يتعاطى
    وتحط شروط تضمن حقوقها
    لا تحطين عرس من إساسة
    زواج عائلي بالبيت أو استراحة صغيرة
    الفستان استاجرية مو لازم تشترين

    التصوير الله يخلي الكاميرا مو لازم مصورة ب٥٠٠٠ الالف
    العشاء بسيط ومقعول
    اهم شي انتم الاثنين مبسوطين

    ناس حطت ألوف على ها الزواجات وانفصلو بعد فترة بسيطة
    اهم شي التوفيق
  4. لا طبعا مستحيل ادفع التكاليف حتى لو اهلي مقتدرين هو المسؤول عن الزواج مو اهلي
    يتأجل او يكون مختصر اقل تكاليف

تابعي تجارب أخرى من هذا القسم.