هنا نستقبل اسئلة الاخت الفاضلة الدكتورة نجلاء محمود..

17 أكتوبر 2006

السلام عليكم انا عضوه جديده اشتركت معكم في هذا المنتدى الرائع لتميزه... اشكر الدكتوره نجلاء على طوولة بالها ومساعدتها لأخواتها..
سؤالي يادكتوره : ابني عمره الان 5سنوات وتسعة اشهر يعني بس باقي ثلاث اشهر ويكمل 6 سنوات ان شاء الله مشكلته في شخصيته احس انها غير متزنه يعني .. عصبي جدا جداا جدااا لا يتحمل أي شي وعنيد جدا جداا ومتعب ولا ينفذ شي من الي اطلبه منه ابداا يجلس على التلفاز والكمبيوتر فترات طويله ... هوا الان تمهيدي والعام الماضي كان روضه وانا بصراحه تفاجأت كثيرا لما حضرت معه بعض ايام الدوام لان الولد هناك شي تااني يعني .. طفل محبوب من جميع معلماته ومن الاطفال في الروضه والكل بيمدحه لي بشكل كبيير جدا متعاون يساعد الجميع لو ضربه طفل يشتكي للمعلمه ولا يضرب احد ابداا يستاذن على كل صغيره وكبييره من معلمته يعبر لها بين الوقت والتاني عن حبه لها بكلمات حلوه يشارك في كل الانشطه متميز جدا يحب الدراسه والواجبات والذهاب للروضه ويحب الكمبيوتر..... انا انصدمت حسيت انه طفل بوجهين في الروضه ومع الناس شكل وفي البيت شكل تاني تماما عصبيه وعناد وطول لسان بصراحه والفاظه للاسف فيها كثير سيء احسه وصل لمرحلت التمرد وماعرفت معه حل...
والمشكله التانيه والي تعبتني .. انه عنده مشكلة تبول لاارادي في الليل فقط يعني مافي يوم يصحى نظيف الا في حالة يروح الحمام قبل النوم وانا اصحيه مرتين خلال الليل مره واحد ماتكفي ويصير يبلل فراشه في ساعات النوم الاخيره ودا الشي يحصل يومياا انا تبعت كل الطرق من تشجيع وهدايا عملتها وعملتله جدول على سريره للايام النظيفه نجمه ويصحى ويحطها بنفسه وكدا بس برضو مافي فايده دحيين 3 سنوات على دا الحال انا كنت ملتزمه في الاول لكن الان تعبت والله من ايقاضه في الليل مرتين وسيبته ولا أأنبه او اضربه على دا الموضوع ابدا.. وماحصل اني عرضته على دكتور . فهل ضروري يشوفه دكتور؟
وهو يحبس البول لساعات طوويله في النهار مثل الشخص الكبير واكتر اوقات تصل ل6 و7 ساعات ويرفض يروح الحمام( يقول مافي) واوقات اخلييه يروح غصب .. ونومه غير منتظم .. وشديد التعرق لدرجه كبيره جدا
مع العلم انه يعاني من مشكله في صمام في القلب وعنده موعد لعملية قلب مفتوح بعد العيد مباشرة الله يسهلها ان شاء الله وهذه العمليه الثانيه فهل لهذا الموضوع أي علاقه ؟؟
انا اسفه جدا على الاطاله بس لاني قلقانه والله كتيير وكتبت بالتفصيل علشان تصير الصوره واضحه عندك يادكتوره واتمنى الاقي حل يارب بانتظار ردك على احر من الجمر والاخوات الي عندها خبره ياريت تفيدني وشكرااا
( دعواتكم لابني ربنا يشفيه ويعافيه من كل شر ويسهل عمليته ياااارب)

هنا نستقبل اسئلة الاخت الفاضلة الدكتورة نجلاء محمود..

التعليقات

تهيئة الطفل للروضة من هذا العمر 👍💐

هلى هذا حمل خرج الرحم

تصرفات الاطفال الصغار هل هذا طبيعي..

صديقاتي الأمهات تعالن نتجمع هنا

قولو لي ايش هذا 💔