همي بين ايديكم 😪 اريد حلاً 😟

صباح الورد
هذا همي ياليت تعطوني حل للي مرت بحالتك
انا بعد ماجبت بنتي البكر جاني اكتئاب حمل
وصلت لحاله نفسيه مزريه لمدة ثلاث سنوات تعالجت عند طبيبه نفسيه ،، خلال هذه الفتره بنتي اوقات تعبي تعتني فيها جدتها الله يعطيها الصحه
ومكان الامر يخلو من بعض المناوشات هي حبتها لدرجة الدلال الزايد وكنت اقلهم غلط يقلون لي هي وزوجي انتي مريضه ومو حاسه بنفسك ومن كرهك تقلين كذا صار مايوثق فيني لما تمرض البنت يقول لامه وهي تجي تاخذه عندها كنت ابكي واقلهم حرام يفكروني مريضه باذيها بشي لما كانت معاي وتبكي يسونها سالفه
المهم ايام وراحت
البنت كبرت وانا تشافيت ياربي لك الحمد
انا الان اعاني ولا اعرف لحالت بنتي تفسير
انعزلت من جمعات والمناسبات
بنتي ذكيه ومتفوقه ولكن لما نجتمع بناس تقلب فجاءه مع انو نتفق تكون هاديه بس غصب عنها تقوم تخرب وتكب وتسحب شعر هذي وتتلفظ ع هذي وتلف وتدور والي تخاصمها والي تفرصها بس وقتها تكون مستحقه لانها عبثيه وتجي تبكي وتصيح انا فنجال القهوه وربي ماتهنا فيه ولا ف القعده
لما انعزلت ارتحت بس هذا الشي اثر علي كثير تعبت طفشت من الحبسه
جربت معها كل الاساليب ولاشي نفع ولازلت احاول
انا احترت هل هذي فتره وتمر والا في شي انا غافله عنه او هوبسبب الدلال الزايد
لان ولامره قصرنا انا وبوها لا في حنان ولا اي غرض كل شي تحت امرها
للي مرت بحالتي تفيدني الله يجزها خير

12 تعليق 3,356 مشاهدة

شاركي في النقاش

سجلي الدخول لإضافة تعليق.

التعليقات

12
  1. والله مدري ياخويتي ...الله يفرج همك ...بس اتوقع لانها لقت دلال مفرط يعني جدتها وابوها كانو يحاولون يعوضونها وجودك واهتمامك ايام ماكنتي تعبانه ...فافرطو في دلالها ...وعلى حسب عمر بينتك اذا صغيره يمكن لقافه طبيعيه وتكبر وتعقل بس من 7سنوات وفوق لا ذي كبيره وتفهم
    اذا اساءت الادب راح تتعاقب بكذا تعرف حدودها لانها خلاص فاهمه وواعيه للصح والغلط اما تحت سبع يعني يبغالها صبر شوي
    بس عموما الطفل لو عمره سنتين يفهم اذا وجهتيه وقلت ذا صح وذا غلط

    لازم تشدون عليها وتبينون زعلكم منها اذا غلطت ولازم انتي وزوجك تتفقون مو واحد يشد وواحد يرخي
    لاتتفقون اذا سوت شي سئ تتعاقب وتزعلون منها واذا قعدت مؤدبه تكافؤنها وتمدحونها
    وان شاء الله البنات يفيدونك بنصايحهم اللي جربو اطفال نفس وضع بنتك
    بس اهم شي لاتبيني لزوجك ان تصرفاتها عشان ايام مرضك ووووو
    لاتحسسينه بهالشي ابد ولو هو فكر بهالشي قولي ولا كلمه ذا ماله دخل في اطفال تربو ايتام وطلعو احسن ناس بنتك عبيطه ويبغالها شد شوي
    لانك لو حسستيه انه بسبب مرضك وانشغالك عنها بيلومك في كل شي غلط في حياتها
    وترى فعليا انتي مالك شغل وظروفك مش السبب السبب والله اعلم الدلال المفرط لها ...لو لاقيه العين الحمرا تادبت
  2. @fd_8

    صاحبة الموضوع
    mmq
    والله مدري ياخويتي ...الله يفرج همك ...بس اتوقع لانها لقت دلال مفرط يعني جدتها وابوها كانو يحاولون يعوضونها وجودك واهتمامك ايام ماكنتي تعبانه ...فافرطو في دلالها ...وعلى حسب عمر بينتك اذا صغيره يمكن لقافه طبيعيه وتكبر وتعقل بس من 7سنوات وف…
    انا بعد قلت ان الدلع هو السبب

    الله يسعدك استفدت من كلامك

    والله يصبرني
  3. @gnh_maa_mn_ahbm

    mmq
    والله مدري ياخويتي ...الله يفرج همك ...بس اتوقع لانها لقت دلال مفرط يعني جدتها وابوها كانو يحاولون يعوضونها وجودك واهتمامك ايام ماكنتي تعبانه ...فافرطو في دلالها ...وعلى حسب عمر بينتك اذا صغيره يمكن لقافه طبيعيه وتكبر وتعقل بس من 7سنوات وف…
    ماشاء الله 👍🏻كفيتي ووفيتي👌🏻

تابعي تجارب أخرى من هذا القسم.