كُوني ضَيفةٌ لَطيفة..🌱💧.

موضوع جميل أعتقد أكثر اجابه بتكون من البنات
ان احنا نكره الضيفه البارده الي اولادها مثلا يخربوا يوسخوا وهي ولا ع بالها ولا حتى توجههم هذا أكره شيء عندي
من اتيكيت الضيافه اهم شيء تحسسي الضيفه أنها مرغوب فيها وأنها كانها ببيتها
ماتمسكي الجوال كثير وتتجاهلي وجودها
ما تساليها كثير عن حياتها وخصوصياتها الشخصيه
الكلام كثير وأن شاء الله البنات يكفوا ويوفوا
وجهزوا لي شاي ومعجنات

تجيني بلبس محتشم مو تتصرصرلي وتتفصخلي
....بلعربي مابي اشوف لحوومهاا
.
والله صلي وسلم ع محمد

عادي بسولف وانا واقفه أصلاً مستعجله 🤗


ماااحب التحقيق .....وماااحب ناس لاتربطني بهم صداقه ولاجيره ...ولامحبه...يزورون ...في هالنوعية حب استكشااف بس ..يشيكون عليك كل كم شهر
مااااحب اللي تجي ساكته ..ولاتشرب قهوة ...ولا كاسة شاي ...ولاتمد يدها للضيافه ...ولاتتكلم ....اجل ليش جايه ...تاخذ اخباري وتمشي بس ههههه سلاماااات
اقسم باالله أأجر لها لو جالسه في بيتها ولاضيعت وقتي ووقتها ماينلعب علي أنا😍
ماااحب اللي تتكلم باخبار الناس ...ووش جرى مع فلانه وبيت الفلان ...إلا لو مثلًا تنبهني لواجب تجاه هالناس او خبر حلو ويسر
كثير اشياء مانحبها بضيوفنا ....وكثير الضيوف اللي مانحبهم
انا مايدخل بيتي إلا ضيف محب إما اخت او صديقه او جاره


لاااااتغصبين نفسك على احد ولاتجاملين على حساب وقتك أبداً

شي مايخصني مالي فيه
احاول اكون خفيفة وتكون زيارتي محببة ومو ثقيلة نوسع صدور بعض ونتوكل


بالنسبة لي بالي وسيع جدا مع الضيوف
بس حلو إن الأم تنتبه لأولادها وتنبههم على اخطائهم بدون مايحتاج احدينبهها
أحب العفوييين اللي يجونك تحسين انك جالسة مع اهل البيت من لطافتهم


مااحب اللي تجيك وتبلشين فيها بسكوتها وبرودها او شوفة النفس


والضيوف لهم احترامهم سواء كانو خفيفين او ثقلين نقوم بواجبهم على أكمل وجه من بشاشة واحترام وتوجيب

عن نفسي احب لماازور احد اخذ معاي شي حالي او مالح جاهز او انا اعمله مااحب اروح ويدي فاضيه واحب السوالف اللي فيها ضحك وفرفشه

بالنسبه لضيوفي افرح كثير لمااحد يزورني او انا اعزمهم اتكلف في الضيافه والاستقبال من باب الكرم والترحيب بالضيف احب الضيف يطلع من بيتي مبسوط وشبعان بس اللي يضايقني مع اني اتغاضى الام اللي تجيب اطفالها وتشوفهم يحوسو وماتتكلم انا اعرف ان الاطفال يحبو اللعب والحوسه بس من واجب الام انها تنبههم او تمسكهم او اقل شي تقوم تجلسهم بمكان مو تتقهوى وولدها متعلق فوق الكنبه بيلحق الستاره وهي تكمل سالفتها عاااادي وانا على اعصابي لايطيح مع الستاره ويصير له شي واتنرفز من الام اللي تقوم تلم الصحون من على طاولة الضيافه وتخرجها لبزرانها برا طيب انا حاطه ضيافه للاطفال تقول لا يمكن مايكفي طيب والحريم ايش اضيفهم تقول عادي احنا نتحمل بس الاطفال حرام 🤦🏼‍♀️🤦🏼‍♀️ على اساس ميتين جوع مو حاطه لهم طاوله من نفس اكلنا😭😭
هذا الشي اللي يقلقني وقت العزايم والا فيه ضيوف يجوني ومعاهم اطفال والله بعض الامهات مايرضو انه اطفالهم يحوسو وانا ادخلهم مع اطفالي بغرفه كلها العاب واكل ينبسطو