تباشير مواليد نوفمبر & ديسمبر الثالث ❤️❤️❤️

السلام عليكم ورحمة الله ..
كيف حالكم مامات 😭❤️ ..
ياربي اشتقت للأيام اللي كنت اكتب فيها هنا ونسولف مع بعض ..
على انِ ارتحت من ثقل الحمدلله لكن تعبت مرة بداية نفاسي
التهبت الخياطة و ولدي تنوم وطلع ورجع له الصفار مرة ثانية وانا مدري وش جاني شيء زي الاكتئاب😭😭😭😭
كان اسبوع شااااااق علي تعبت مرة الله يكتب لي الاجر
والحين الحمدلله كل شيء زين
وتقصيري هنا غصبًا عني ماهو بيدي
عساني احصل فرصه ادخل و اكتب 🌞.
مبروك للوالدات الجدد
وعقبال الواصلات ياااااارب


دعواتكم لي ..
احبكم

تمام الله يحفظ لك ولدك ويزين حالك

حبييبتي اسم الله عليك الرحمن
ماعليه هو كذا النفاس عفيسة وحوسة ربي يطلعك من باقي شروره ويحفظ لك وليدك ي قلبي انتي ..

ياسمينة كثر ماتعطينه صدرك راح ينزل الصفار حتى لو تأخر بعض الأطفال ياخذو الى 3 اسابيع فيهم اثر منه بس اهم شي استمري على رضاعتك وكثر ما أخرج راح يساعده ينزل ان شالله

اهلين ام عبودي
انا اليوم مو صوب أحد
طلعت مزرعة مع اهلي
وجاتني أزمة ربو وتعبت بروحي بالغصب اتنفس وكتمة وفوق هذا تجيني الأزمة بهالوقت 😥
الله المستعان
خذت بخار قبل شوي ويالله ارتحت الحمدلله
وتوووبة اطلع بر أو مزرعة لين ربي يفرجها وأولد بالسلامة

الله يسلمك
المشكلة الدكتور وصاني ارضعه صناعي كل ٣ ساعات والطبيعي يكون بينهم !!! صار ماعاد يرضع ولا يتقبل صدري ابد

عقب ما تنوم طلع معي يومين وعدنا التحليل طلع زايد الصفار والخميس عدته له وطلع نازل ! وعلى هالموال

إن شاء الله مافيه إلا العافية
ودي المامات يقولون تجاربهم مع الصفار ماتوقعته كذا صعب !


وسلامتك ياقلبي.