تباشير مواليد نوفمبر & ديسمبر الثالث ❤️❤️❤️

ياسمينة دكتورك كلامه غريب
اساسا البيبي لما ياخذ صناعي يشبع وينغث ولا بيتقبل الصدر كيف يقولك كذا !!
البروتين اللي بالحليب الصناعي صعب هضمه ويجلس بالنعدة فترة طويلة بسببها البيبي تزيد نومته ويكون شبعان اكثر ..
لكن البروتين اللي بحليب الام سهل يتفكك بالمعدة وينهضم ويستفيد منه الجسم ويخليه يخرج وبالتالي نومة البيبي تصير فترة اقل ويصحى بعدها بساعتين جوعان يبغى صدرك وهكذا ..
وكثرة اعادة هالموال عي اللي تنزل الصفار عرفتي .
انا من تجربتي مع الصفار
اني كنت رضاعة طبيعي على طول متى مابكى البيبي مااتقيد بوقت لأني اساسا ادرار الحليب عندي قليل فابيه يستفيد من حليبي
والصناعي اعطيه وحدة قبل النوم بس .
وبعض الناس يعطوه ماي وشكر او حبة نبات يساعده يخرج فاذا اخرج يوم عن يوم بينزل الصفار .


لاتخلين البيبي ينام فترة طويلة اكثر من 3 ساعات لأنه اصلا الصفار يدوخه وما يخليه يصحصح يرضع
انتي فكيه وفركي رجوله وحطي على صدرك حاولي بالرضاعة وان شالله ماعليه الا العافية

اذا جاك الطلق الحقيقي ما ينفع معاه لا أدول ولا شي ..
وتعرفينه لما ينتظم ويشتد

حنان اي هذا هو التحجر اللي وصفيته
متعب شوي بس لاجاك استرخي وخلي تنفسك عميق وهادي بترتاحين .


انا باقي لي اسبوعين على موعدي ومن الحين تعبت ماني قادرة اتحمل كله بسبب ضيق التنفس زايد علي
ياربي كأنه أحد كاتم على صدري
منو تعاني منه مثلي 😢
أول مرة بحمل احس بكذا ..


اليوم بعد الفجر جلست أصيح عند زوجي ابي يوديني طوارئ واطلب دخول وطلق صناعي علشان ارتاح ابي اتنفس ماني قادرة وفصلت عليه 😂


جلس يهديني وانه تحملي مابقى شي وكذا
يقولي ربي سبحانه يقول عن حمل الأم (وقدرنا فنعم القادرون)
هو بيطلع بأفضل موعد ربي كاتبه له
والله هديت والحمدلله خف عني حالي ودعيت ربي ينزل علي صبر وسكينة ويسهل امري ويهون على كل حامل ..

لتكون نسبة الدم عندك نازلة ؟؟ انا بحملي الاول كنت اعاااني احس الاوكسجين اللي اتنفسه ما يكفيني وطلع فعلا عندي نسبة كريات الدم الحمراء اللي تنقل الاوكسجين قلييلة،، اما فحملي هذا فالمعاناة اقل وففترات متباعدة الحمد لله

اقرب موعد ولادة كان عندي هو يوم ٧ ديسمبر كنت متفائلة ودي اولد وارتااح،، لكن الظاهر راح انتظر لاخر الشهر،، الله يعينا