التجمع ال ٣٨ لأجمل حوامل وأمهات التوائم ❤️❤️

صباح الخير
الف مبروك كن انت التاسع الله يقومك بالسلامه ويفرحنا جميعا بتمام حملنا وصحة اجنتنا


بنات ذكروني بقائمه محتويات شنطه المستشفى عندنا القيصري اربع ايام
مع البرد توترت صرت ازيد لي شتوي
طبعا البيبي هم يلبسونهم بس وقت الخروج نلبسهم
يعني اللي جهزت تكتب لنا قائمتها نذكر بعض انا عارفه كل وحده واحتياجها بس مدري ليش توترت تو اجهزها حطيت بس روب لف ثقيل والسليبر وملابس داخليه ووقفت

ماقدرت انسخ اسمك ياليت تكتبينه لي

⚜️⚜️الوالدات⚜️⚜️
yasminah/ قيصري32
ندوشة نجران/ قيصري
فوز العمر/ قيصري
ام الحلوين/ قيصري 37
••••••••••••••••••••••••
💎💎الحوامل💎💎
(الشهر التاسع) 💟💟
اموونه٤٤
كن انت
((الشهر الثامن)) 💛💛
shatha_98
ام شوووقي
um saad-qa
‎((الشهر السابع)) 💖💖
Samar6
Lode111
ازهر اينما كنت
((الشهر السادس))
ساندي بيل
ياكريم اكرمني
توأمي روحي
ام احمد£
((الشهر الخامس)) 💚
جادان
shosho in U.S.A
‎((الشهر الرابع)) 💗💗
حنانوو
همس ام ميشوو
نوف
((الشهر الثالث)) 💜💜
مرمرشو
ام الحلوات
((الشهر الثاني)) 💝
مثلك انا
..........................................................
امهات التوائم القديرات👩‍👦‍👦👩‍👦‍👦
لميس2008/ قيصري37
هدااهيدو/قيصري38
ام علي وعلياء/قيصري37
العنود37//قيصري
🔺اخواتي الحوامل الجدد لأضافتك بالقائمة حددي شهر الحمل
والحوامل اللي ماحدثوو يحدثوون😘🌹

نقحتها وصفيتها والافضل مااحط الا المتفاعلات ❤️❤️

عادي في ناس من التوتر يفتحون الشنطة ويسكرونها ماسووا شي لين جاهم الوقت 😪
انتي بالسابع..الجو بيكون باذن الله حلو ومعتدل وقت ولادتك بعد شهرين..فا انا باعلمك وش حطيت وأنتي حطي ببالك إن ولادتي هالكم على يوم خير وسلام يارب بعز البرد..وعدلي على هالاساس..
وحطي ببالك استقبالي بالمستشفى وباجلس اربع ايام..
أغراضي:
-بجامتين للنوم قطنيات وخاصات بالرضاعة
-٤ اندرويرات اكبر من مقاسي بنمره ومغاطها خفيف عشان الجرح
-٢ برا رضاعه اسود وبيج
-٣ قمصان استقبال ٢ فخمين وواحد بس احتياط لو توصخ شي..
-شال مناسب لكل القمصان لو بردت
-سليبر حلو ومناسب لقمصاني..
-اغطية قطنية للصدر
-فوط صحية ترتاحين عليها لان يمكن ماتناسبك الي يعطونك..
-فوطة صغيره مره وفوطة استحمام اذا مايوفرونها..
-كريمك-فازلين-فرشة ومعجون-مبرد-مناديل ديتول-شامبو بعلبة صغيرة اذا مايوفرون لك..
-حلق وساعه وخاتم للاستقبال..
-طوق شعر وربطة شعر..
-كريم فيسودين ومسكن ترتاحين له و مره عن الشمم وعطر صغير تعطري قبل عشان الشمم..
-شواحنك
-لبس للطلعه من المستشفى يستحسن فستان واسع باكمام طويلة ويكون قطني عشان مايحكك جرحك اذا قيصري..
-وجبة خفيفة احيانا يتاخرون بالاكل واحيانا اكلهم مو لذيذ واحيانا تحوعين بنص الليل ومافي احد يجيب لك شي..يستحسن تكون شي صحي
———————
أغراض البيبيات:
الملابس لفي كل لبسه مع بعض عشان ماتتلخبط مرافقتك وتحوس الدنيا..
يعني لفي البربتوز الداخلي مع الافرول مع القبعة مع اللفه كلو مع بعض..
-انا اخذت ثلاث لبسات لهم
-مدس لكل بيبي يناسب الثلاث لبسات
-رضاعتين
-مصاصتين
-اذا ودك تاخذين بامبرز ومناديل تنظيف لهم..بس انا مااخذت لان باذن الله المستشفى بيوفرونها..
-مضخة صدرك اذا تعتقدين بتحتاجينها..
-بطانيتين لكل بيبي مناسبات للملابس المذكورة آنفاً..كنت ماخذه على وحده خفيفة..يوم جانا هالبرد زودتهم على وحده ثقيلة..
وترا توأمي ماراح اطلعهم للاستقبال ولا كان تغيرت الحسبة تماماً☺️
باقولك شغلة..هاللستة بناءً على احتياجاتي..اذا تحتاجين اكثر خوذي الي تحتاجينة..
بنات لاتسمحون لااحد يقولون لاتكثرون ولا وشدعوة ماخذين كل البيت معكم..اذا نقص شي انتي بتتوهقين وانتي بتنلامين وبتسمعين تعليقات غير محببة عن حسك الأمومي وجهلك ومعرفتك..خوذي كل شي والحمدلله السيارة ترجع الزايد للبيت مافي شي بيقعد..

والله يقومنا بالسلامة يارب جميعاً ويفرح نظرتنا ويهون علينا ماتبقى وماهو قادم..