شافوها وسحبوا !

السلام عليكم ورحمة الله وبركاته
خواتي هذي وحدة عزيزة علي حبت تستشيركم في مشكلتها:
هي متوسطة الجمال، ومواصفاتها مقبولة ومطلوبة ماشاء الله تبارك الله، خطاطيبها يعتبرون كثيرين..
المهم قبل شهر تقريبا خطبوها ناس وقالوا حابين نشوف البنت عشان نشوف هل مواصفاتها مثل اللي يبي الرجال أو لا، قالت أمها إننا بنسأل أول بعدين نعطيكم خبر لأن ما راح ندخلكم تشوفونها إلا وعندنا موافقة مبدئية
سألوا ووافقت البنت وجت أم الولد وبنتها عشان يشوفونها؛ لكنهم كانوا غامضين جدا ومتحفظين وأسلوبهم جاف جدا ما أبدوا إعجاب ولا أي شي.. وخصوصا الأم حتى الابتسامة ما ابتسمتها .. وعموما أسلوبهم غير مريح كأنهم متفضلين..
وبعد ما راحوا ماردوا لا حس ولا خبر ولا شيء
ولا حتى برسالة..
أسلوبهم هذا وسحبتهم جدًا مستفزة
وش رايكم وش التصرف المناسب
هل ترسل لهم أمها تقول وش صار عليكم لأن تقدم لها واحد ثاني
ولا تسكت وتخليهم؟؟؟
وأهلها تضايقوا مرررة من تصرفهم بس جوا يشوفون بنتهم وطلعوا وش قلة الأدب هذي؟
خصوصًا البنت مواصفاتها حلوة ومطلوبة ماشاء الله لذلك هي وأهلها مستغربين ما توقعوا ينسحب عليهم هالسحبة..

33 تعليق 10,173 مشاهدة

شاركي في النقاش

سجلي الدخول لإضافة تعليق.

التعليقات

29
  1. من وجهة نظري ما تعتبر مشكله اساسا ..


    الدنيا مو موقفه عليهم ..


    دام لا حس ولا خبر وساحبين .. خلاص البنت تشوف نصيبها ..




    الله اعلم إلي بالقلوب .. بس وضعهم ما يطمن ..




    والله يكتب لها إلي فيه الخير ..






    لا إله أنت سبحانك إني كنت من الظالمين ..
  2. @am_nasr_62

    خيرررررره لا تسالهم و لا شي
    هم اهل الحاجه لو حريصين اتصلو و ان اتصلو و كتب ربي نصيب مع اللي متقدم اللحين يقولون راحت للي اطيب من ولدكم و عقبال ماتلقون اللي اطيب من بنتنا.
    و اذا ردو مرا ثانيه خل يرفضون ذول نفسيات ما احنا ناقصين
  3. @asmaa_011

    لا لاتتصل لاتقل قيمة بنتها ....ولاتنتظرون ردهم انسوهم الين يردون ساعتها اسئلوا عنهم كووووووويس
  4. @antthrtk_olkn

    مااشوف في مشكلة اساسا لان الكل كذا
    طبيعي انهم يجون يشوفون البنت واذا تناسب مواصفات ولدهم او لا
    ولو كانو يبونها كان دقت الام زقالت ان الرجال بيجي شوفة شرعية
    لكن عدم تواصلهم والعلم عند الله مافي نصيب
    ونصيحه امها ماندق عليهم لان مو حلوة بحقهم

تابعي تجارب أخرى من هذا القسم.