التجمع ال ٣٨ لأجمل حوامل وأمهات التوائم ❤️❤️

اذا انتي بكر ماراح تبرز الا بالخامس وورا..

البروز الكبير مره بيجيك بالثامن..

ولاتخافين بتميزين بين حركتهم وبتعرفين اماكنهم..انا حتى اعرف وش الي يتحرك منهم راس ولا يد ولا رجل..بس هالشي يجي مع تقدم الحمل..

تاخذين عالوزن بالسونار لكن لازم تعرفين انه مو دقيق..لانه السونار ممكن ينقص او يزود٢٠٪؜ من وزن الجنين..عشان كذا دايما بالتقارير يكتبون لك +-٢٠٪؜



اما حسبة الحمل انا فاشله فيها ومعتمده على دكتوري الي بيولدني..

ياعمري انتي 😂
خلي قلقك وتركيزك الحين على اكلك وشربك ووحمك..
واقلقي على كل شي بوقتة..الله يقومك بالسلامة ويتمم عليك يارب

انا اليوم صحيت على ألم حاد بجنبي اليمين ممان الزايدة..اظنة نفس الألم الي كنت اشكي منه بالشهر السادس..ماني قادرة اتحرك منه يارب رحمتك بس..


الي حولي يقولون اشبعي نوم قبل ينولدون..شلون ممكن افهم؟ شلون انام وانا ظهري وكتوفي وضلوعي وبطني وجنوبي وكل شي يألم..يارب تآجرنا بس..


بنات الوالدات..امس اقرا موضوع انه اهم شي بعد القيصري اطلاق الريح (عذراً مدري وش اسمية 😅) هل اطلقتوا الريح بسهوله؟ واذا لا وش سويتوا شي عشان يساعدكم على هالشي؟


لانهم يقولون ماراح الدكتور يخليك تاكلين او يفك القسطره لين تسوينها..




الشي الثاني اظن اظن والله اعلم انه طلع لي بواسير..مع ان ماعندي امساك بس يقول الدكتور من ثقل الاطفال..طمنوني بتروح بعد الولادة؟

كتبت رد وطار😥

فعلا لازم تطلع الغازات انا ماعطوني اكل الا لما طلع ولو شوي ولا قبل تطلع مايعطونك الا سوائل وشي خفيف
ويمشونك لازم تمشين عشان يساعد الغازات تطلع...عليكم بالمشي يالقيصريات

الشي الثاني نصييييحه اللي استقبالها في المستشفى تكتفي به وتبلغ الناس ان الاستقبال في المستشفى فقط
صراحه اريح مرره من البيت..انا كان استقبالي في النستشفى فقط صراحه افتكيت من الزيارات والرسميات فرقته عن نفاسي الاول كان استقبالي في البيت

واللي في البيت استقبالها تحدد يوم او يومين وتبلغ النلس وترتاح تتعب في هاليومين وخلاص


واي سؤال تحتاجونه انا في الخدمه لاني حاسه فيكم يوم كنت حامل افرح اذا شفت ام توام تعرض تجربتها واستفدت من كثير منهم الله يعافيهم