جيبو رجال مايعرف حريم ونتزوج

جيبو لي رجال مو حق حريم مايغازل مايخون مايكلم مايدور الاجمل واقسم بالله مو بس اتزوج اصير تحت امره ولا اخالفه باي شي اهلي معصبين لاني ارفض وصديقاتي نفس الشي جالسه اقولهم ليش اتزوج واتعب وبالنهايه عارفه ٨٠ من شباب هالوقت استغفر الله شوفوهم بالسناب شوفي المشاهير لما يطلعو مع اخوياهم كلام قذر صياعه مغازل دخان حريم ويسمون بعض خرفان لانهم يخقون على اللي بالسناب البنات وغير وغير وحده قالت لي كلمه والى الحين حاطه هالكلمه ببالي الرجال كلهم نفس بعض كلهم يحبون الحريم وكلهم ماتقنعهم اي وحده خاصه بالوقت ذا لان منفتحين بقوه وصارو يشوفو اشكال وانواع من البنات وتسهل الحرام مكالمات سناب انستقرام
قالت دوري لك واحد ضعيف مايعرف هالبرامج هذي ولا يعرف البنات ممكن يطير بك عشان شي واحد مايعرف عن البنات شي فبيقتنع ويطير باي بنت لكن روحي خوذي واحد مشهور بالسوشيل ميديا او يعرف كل شي اقسم بالله لو انك ملكة جمال ماراح تملين عيونه اللي قهرني وكرهني بجنس الرجال بنات صديقتي جميله ولما شافو اهلي حتى انهبلو عليها وسالو امها سعوديه قلت والله سعوديه من شدة جمالها وجسمها تزوجت قبل سنه ونص بس اقسم بالله الحين مابي اشوف وجهه من الحزن والتعاسه اللي فيها اخذت واحد نفسها حلو تقول اول شي عانيت منه زوجي الاسنتقرام والسناب عنذه بنات كثيرررر والمصيبه هم ضايفينه مو زوجها وانواع الكلام الحب والغزل بزوجها تقول مانكر زوجي طف فيني وطار فيني وبجمالي تقريبا اول ٧ شهور بعده بدت المشاكل تقول مايستغني عن البنات ويدور الاجمل يعني مو مقتنع اللي عنذه اخر شي صارت بينهم مشكله كبيره والسبب شافت بجوال زوجها محادثه بقروب اصحابه كاتب اي المزه ضافتني بالانستقرام وشفتها ياعليها جمال تقول انهرت وصارحته ان مو عاجبني وضعه واستعراضه بين البنات لكن كالعاده وكلمة اي زوج يلعب على زوجته انا احبك انتي وزوجتي انتي وش عليك من هذولا سوا كلمتهم طلعت معهم كانه يقول مالك دخل فيهم وش هالزواج اللي كله مشاكل والمصيبه لو البنت اكتشفو انه تكلم او تراسل واحد بانستقرام او سناب وهي متزوجه اقسم بالله ان يفضحونها واول مايطلقها زوجها طيب ليش حنا لازم نتحمل ونسكت