تباشير مواليد نوفمبر * ديسمبر الرابع لاولى صرخات أطفالنا 2018💙👣___💞💗
متابعة النقاش، صفحة 71
شاركي في النقاش
سجلي الدخول لإضافة تعليق.
التعليقات
1,147ام توته ٢٠١٥ السلام عليكم ورحمه الله وبركاته بفضل من الله ومنه رزقني اليوم الساعه ١٢ الظهر بي " انس" الحمد لله علي انتهاء رحلة وهنن علي وهن عقبالك بنات يارب ولادات ميسره بكتب الاكشن بعد ارتاح باذن الله
الف مبروك والحمد لله على السلامهام توته ٢٠١٥ السلام عليكم ورحمه الله وبركاته بفضل من الله ومنه رزقني اليوم الساعه ١٢ الظهر بي " انس" الحمد لله علي انتهاء رحلة وهنن علي وهن عقبالك بنات يارب ولادات ميسره بكتب الاكشن بعد ارتاح باذن الله
حمدلله على السلامة ومبروك عليك انس- السلام عليكم ورحمة الله وبركاته
شحالكم بنات
ميروك لكل إللي ولدو
و عقبال نفرح بالبقية يارب
صار لي يومين مربية الحمدلله
و أمس رخصووني وولدي معاي الحمدلله
والحمدلله انا وولدي بخير وصحة وعافية
بالنسبة لأكشني
على كل ما تلعوزت بالمستشفى 4 ايام بسبب الرحم والتحاميل
الحمدلله تبارك الله الولادة كانت من أحلى ما يكون
طبعا انا دخلت التنويم فالمستشفى يوم السبت العصر
و سوت لي كشف و قالت لي الرحم بس مفتوح واحد 😫
وفالليل ع الساعة 10 نبدأ تحاميل الطلق
خذت أول تحميلة
و ما شفت الطلق أبدا
و خذت الثانية والثالثة و محلك سر
لا شفت الطلق ولا فتح الرحم إلا واحد ونص
قالت لي الدكتورة بنصبر عليج 24 ساعة و بنرجع نعطيج كورس التحاميل ثاني
و ثالث يوم
بدو بكورس التحاميل
و الرحم بس وصل 2 ونص
و طبعا بدون طلق أبدا
بس شوية وجع مثل وجع الدورة
يروح و يرجع
خلصت الكورس الثاني
قالت لي باجر الفجر نبدأ بالطلق فالوريد
نفس اليوم فالليل ع الساعة وحدة قمت أروح الحمام
ولا أشوف نفسي قاعدة أنزف
على طول ناديت الدكتورة
و بعد التخطيط والكشف
الرحم مثل ما هو
والجنين طيب
و قال لي يمكن الدم من الكشف
وخلتني لين الصبح الساعة 6
يوني الصبح و دوني غرفة الولادة
تريقت هناك و فحصتني والرحم بعده 2 ونص
ع الساعة 7 تقريبا
حطولي طلق المغذي
وقالت لي الدكتورة إذا ما فتح الرحم بنحول قيصري
قعدت نص ساعة طبعا بدون أي وجع
ع الساعة 7 ونص بدا الويع
خفييييييييييف مثل الدورة
لين تقريبا الساعة 8 وربع
الساعة 8 و ربع قلت لها ابي الحمام
قالت لي يمكن ضغط البيبي
قلت لا ياشيخة
و انا مافيني ويع
فحصتني الممرضة وقالت لي 4 و يلا خلاص روحي الحمام
رحت الحمام و توني أغسل أيدي
بدأ الجد
طلقة شقت بطني شق
صرخت ع الممرضة طلعتني وكانت الدكتورة موجودة
فحصتني ما شاء الله وصل الرحم 6
قلت لها دكتورة أحس أبي أدفع
قالت لي لا بعدج
قلت امبلى امبلى
و تييني طلقة ثانية شافت الممرضة راس البيبي
و الدكتورة تصرخ
لا لا صبري
بعده الرحم
فحصتني نفس الدقيقة
وتبارك الله وصل 10
يتني طلقة ثانية
و الدكتورة تقول لي صبري خليني ألبس لا تدفعين
بس والله ما قدرت
دفعت وطلع ولدي حبيبي الله يحفظه
ما شاء الله تبارك الله
كل هذا والساعة بعدها تقريبا 8 ونص
يعني تبارك الخلاق ما شافت الطلق إلا ربع ساعة
و كلهم كم طلقة بس تبارك الله
طبعا ما احتجت خياطة لأن البيبي صغير
و نزل بدون مساعدة ولا شق
خليت 3 دكاترة يفحصون المهبل عشان أتأكد إذا صارت توسعة ولا شق
و كلهم يقولون لي ما يحتاج أبدا أبدا
اتصلت في ريلي طبعا
لأني دخلت الغرفة ومحد عنده خبر من أهلي إلا هو
ما رد
اتصلت في ماماتي
كنت قبل نص ساعة مكلمتنها ولا قلت لها إني بغرفة الولادة عشان لا تحاتي
طبعا ما صدقتني
و تقول لي لا تلعبين بأعصابي ع الصبح
توني مكلمتنج
و وسمعتها صوت النونو
و قعدت تصيح
طبعا ويلي ما صدق أبدا
لأني كنت قايلة لها روح الدوام ووقع وتعالي
خلال نص ساعة كل خواتي و أمي و ريلي كانو عندي
والحمدلله ظليت ساعتين فالغرفة بعدها ودوني فوق
و طلعت ثاني يوم طينة جنة السلام عليكم ورحمة الله وبركاته شحالكم بنات ميروك لكل إللي ولدو و عقبال نفرح بالبقية يارب صار لي يومين مربية الحمدلله و أمس رخصووني وولدي معاي الحمدلله والحمدلله انا وولدي بخير وصحة وعافية بالنسبة لأكشني على كل ما تلعوزت بالمستشفى 4 ايام…
صبااااح الخير ع الاكشن اللطيف ❤️👏🏽
الحمدلله ع السسسلامه
ولادتك ربي يسرها من عنده الحمدلله
و الله عطيتيني امل خفيف عن الطلق الصناعي انه ممكن يساعدني مو يبهذلني عشان انا متوعديني لو ماولدت بيتصبرون علي ثم طلق صناعي
الحمدلله ارتحتي و وولدتي و انتي و جابر بخير و يارب لك الحمد
عقبال حبيباتي الباقيات يارب ❤️- بناتات بالنسبة للدم من بعد الولادة
ينزل علي خفييييييييف خفيييييف
حد يعرف ليش
و شو تنصحوني اسوي
ابغي أنظف عدل
كلمت الدكتورة قالت لي خير وبركة
حد يبي الشقى لنفسه
ما تقبل ردها
إللي أعرفه دم النفاس لازم يكون غزير
وانا ما شاء الله تبارك الله
كني في نهاية النفاس من قلته
مواضيع مشابهة
تابعي تجارب أخرى من هذا القسم.