التجمع ١٠٣ للمقبلات على الحقن المجهري واطفال الانابيب 🥀

ايوه مافي حمل.
الله يعوضنا خير

طبعا في فرق
من الدرجه الاولى تكون انقساماتها افضل بالتالي فرصه ثباتها اكبر.
وقل ما تزيد الدرجه يكون الجنين اضعف. بس حتى جنين من الدرجه الرابعه ممكن يثبت اذا الله كاتب.

معظم الاطباء ترجع الاجنه باليوم الثالث وبعضهم يرجعون باليوم الخامس علشان يشوفون انقسامات الاجنه ومدى قوتها وماشاء الله بعضهم يكونون تمام التمام.

أنا أنصحك لاتنشغلين بتفاصيل التفاصيل وأسئلة كثيره ماراح تفيدك معرفة إجاباتها دامك خلصتي الترجيع اشغلي نفسك بأشياء إيجابية ..



عموماً الدرجات والإنقسامات هذه أمور مختبرية بحتة عشان كذا ينصحون دايم في الحقن المجهري نختار المختبر الممتاز لأنه أهم حتى من الطبيب نفسه ..
الدرجات والإنقسامات حسب اصلا جودة حيامن زوجك+جودة بويضاتك
وأكيد طبعا الاجنة القوية أفضل لأنها أقوى ثباتها وانغراسها في الرحم ..
ترجيع اليوم الخامس أفضل لأن الأجنة اللي تبقى لليوم الخامس معناه إنها ممتازه جداً وتجاوزت مرحلة قويه وبمجرد دخولها للرحم مستعده للإنغراس بإذن الله
اما اليوم الثالث يكون باقي شوي عليها لكن لأنها ضعيفه وممكن تفسد يرجعونها قبل للرحم لأنهم البيئة الأفضل لها ..
وأكيد طبعا في كل الأحوال مهما كانت درجات الأجنة بيرجعونها للرحم وماراح يذبونها في الزبالة لأنها أجنه وممكن انها تثبت ليه لا !!!!



ومهم جداً جداً جداً تعرفون أن الحقن المجهري ماله قاعده ثابته ابداً حتى الأطباء نفسهم ماعندهم قاعده ثابتة في النجاح والفشل وهو فعلاً إعجاز الله وقدرته فيه
يعني ناس ماتنجح معهم الا الاجنه الضعيفه ! وناس مايحملون الا من ترجيع الثالث ! وناس المجمد يثبت والفرش لا ! وناس تنسدح وماتتحرك وتفشل وناس تسوي كل شي حتى الزواجات يحضرونها والجامعات يداومون وتنجح !! وناس حرمت نفسها من نص الاكل في الدنيا وطلع غلط وناس تاكل كل شي ونجحت !!! " الحقن المجهري على اعجاز الله + النفسيه الحلوه الإيجابية " حتى لا تقع الخلافات بيننا في القروب في عام 2018
حبينا نذكركم بهذه الحكمة
مدتها 18 ثانية فقط

الله يعوض عليك ي الشواقه ويرزقك الضنا بدون تدخل طبي يارب ياكريم ☹️🙏🏻