احتاج رقية

السلام عليكم ورحمة الله وبركاته
انا كم رؤيا فسروها لي ان بي مرض روحي .. من شهوووور ولا افتكرت ولا بديت رقية ماصدقت لأن ماحس بشي غلط بحياتي اصلي وقيام وصدقات والخ
من زمان ببيت ابوي بعد طلاقي كانت تجيني احلام جنسية وجماع بكثرة بدون ما اشوف وجه الشخص قلت يمكن طبيعي بسبب تطلقت .
كنت احصل كدمات لمى اصحى الصبح من النوم
قلت يمكن رفست ولا شي وانا نايمة .
من زواجي الاول صار اجهاضين و اما الحين تزوجت مرة ثانية وحملت مرتين هم صار اجهاضين بس هالمرة غير جاتني رؤى خبرتني عن الاجهاض قبل لا يصير وتحققت وهاذي الرؤى اللي فسروها لي ان بي مرض روحي.
.. هالفترة امي صارت تجوف رؤيا ان ابوي يقول تحتاجين رقية ومرة ثانية حشرات تدخل البيت وينرش عليهم مبيد . وجفت انا افعى ضخمة جدا وحشرات شكلها شكل عين تركب على جسمي وانا اكبر للصلاة ووزغة ومرة شفت شيطان يصرخ بصوت مفجع وهو مقيد وعلى جسمه كتابات حمراء ونجمة ومرة كلب اسود يناظرني انا وزوجي وينافخ ومرة اشوف اثنين اجانب طوال يمشون وراي او يركضون وراي
صار اني صرت منعزلة جدا قطعت اهل زوجي ما انزل لهم معن اني معاهم بنفس البيت وقطعت صديقاتي واهلي بالموت اروح لهم وكله نوم بنوم وكسل في البيت وتنظيف بالموت .
كل هذا ولا افتكرت برقية ولا غيرو
بس اللي صار ان بهالوقت اختي تكلم العارض عندها بصوتها .. وصار يتكلم ويهدد ... انا محافظة عالاذكار الصباح والمساء لكن خفت يوم شفت العارض مايبي يخلي اختي تسجد بالصلاة .. فقلت ببدأ الرقية صادني خوف شديد ورعب مو طبيعي واخاف اكون لحالي وقلت شسوي لو صارخ لو صرت اركض مثل المجنونة وشنو بيقولون عني اهل زوجي .. .. قرأت موضوع انصر اخاك .. وبديت اسمع الرقية بس وخزات بسيطة متنقلة .. وحركات بالعضل متفرقة احسبها عادية طول عمري الاحظها واقول كهربا زايدة .. ونعاس . وهم قطعت الرقية و دخلت الحمام ٤ مرات حصرانة !!!
بجنب بيتنا في شيخ يقرا مرة بالاسبوع .. بس احس نفسي مو محتاجة اروح لراقي واني اقدر ارقى نفسي بنفسي ان شاء الله و حاليا و خف الخوف عندي واحس بطمأنينة لما اقرا القرآن .


صرت قد ما اقدر اكون على وضوء
وبديت اقرأ اكثر من جزء احس بوخز قوي بخاصرتي اليسار ورعدات بسييييطة جدا . ولما قرأت البقرة كنت اقرا وصوتي يرجف خفيف بعدين راحت الرجفة بالصوت .
لحد الحين مو عارفة شنو فيني بس قلت بركز عالقرآن اقرأ قد ما اقدر ولو حسيت بتعب ازيد ماأوقف وبحافظ على اذكار الصباح والمساء والنوم وغيرها ومؤمنة بأن الله سيكتب لي خيرا ان شاء الله .


اللي يقدر يفيدني بشي اكون شاكرة له .


والسلام عليكم ورحمة الله وبركاته