انضربت

آنا انسانه في حالي اجلس مع نفسي نادرا مااقابل الي بالبيت طبعاً الحمدلله لازواج ولاوظيفه ودائما اسمع كلام ي.. وي.. اليوم بدون سبب ابوي ضربني ولولا الله ثم خواتي كان كمل ضرب المشكله اني انهرت وطحت على الارض وصارخت مااحد حاس فيني..الخ انا فقط ندمانه اني صارخت وطلعت لهم نقطت ضعفي انا بالبيت لوحدي واذا طلعت لعزيمه انصدم من نفسي اضحك وضحك البنات الي حولي وانا في داخلي هم مايعلم فيه الا الله 'فضفضه وندمانه اني طلعتلهم ضعفي'

17 تعليق 6,051 مشاهدة

شاركي في النقاش

سجلي الدخول لإضافة تعليق.

التعليقات

15
  1. @nfsy_ahkk

    حبيبتي انتي مابقولك اصبري لان الاذى الجسدي والعنف شي لايحتمل نصيحتي لك تكلمي مع احد من اخوالك اواعمامك يكلم ابوك انه لايضربك ولايمد يده عليك
    وترى شي طبيعي تصارخين تعرضتي لعنف واذيه اكيد بتصارخين وتتضايقين لاتكبتين مشاعرك ولاتتظاهرين بالعكس عيشي الشعور الحقيقي عشان لاتتعب نفسيتك مع كثره الكبت والضغط عليها ولكن هذا لايعني انك تعيشين محطمه ومتالمه كوني اقوى وعودي لله واقربي منه ممكن ربي يبيك تقربين منه بالدعاء والعباده
  2. @ghdooory

    اقرأي كلامي زين زين
    ادعي الله ان يشرح صدرك وحافظي على الصلاة 100% وحافظي على صوم النافلة
    وان شاء الله راح تشوفين الفرق


    واضح انك عايشه بهم حطيتي نفسك فيه مهما كانت ظروفك
    حطي كلامي حلقه في اذنك ( لن تأتي لك السعاده , لاكن انتِ من يبحث عنها )
    بمعنى اذا استمريتي على الانعزال و البعد عن الناس فلن تسعدي ابدا


    طلعي نفسك بنفسك وابحثي ورى السعاده ولا تقولين انا مسكينه او انا ما تزوجت او ما توظفت انتي شابه وعاقله تقدرين تصنعين المستحيل
    ما عندك وظيفه سوي لك يزنس خاص لو بسيط مع الوقت طوريه فكري زين بشغل حتى لو من البيت شوفي الناس كيف يشتغلون وسوي مثلهم وحطي لك طابع خاص فيك


    اما انك جالسه تندبين حظك لالالا ما يصلح


    واما ابوك ليه ضربك اكيد فيه سبب ابحثي عن السبب وحاولي تحلينه
    وقلبك لالالالالالازم تنظفينه واضح انك شايله على اهلك
    مهما رحتي ومهما جيتي حتى لو تزوجتي او توظفتي مالك غناة عن اهلك فلا تخسرينهم
    احمدي الله انك عندك اهل غيرك مسكين ما عنده احد
    استشعري النعم واحمدي الله وانطلقي لتغيير نفسك

تابعي تجارب أخرى من هذا القسم.