التجمع السابع لامهات مايو ويونيو 2018💙💖

👍🏻👍🏻👍🏻

يسعد مساؤكم جميييعا🙋🏻
فاتتني نقاشاتكم الحلوه ودردشاتكم
والمفيد فيها والاخذ والعطا
اليوم كنت تعبانه وعندي عزومه غداء ودوبي افضى لكن الان ابحث عن السرير للنوم💆🏼😴
بالنسبه للمشد اول عشره ايام اشد بطني بشماغ الفه على شبشب مطاطيه اشتريها جديده واكبر حجم رجالي والف عليها الشماغ والفها على بطني اول يوم يكون الشد خفيف واكون نايمه على السرير وانا اشد حتى يكون الرحم مكانه م اكون واقفه لانه بيأثر على الرحم وينزله تحت فالافضل تكونين منسدحه وكل يوم اشده عن اللي قبل بعد العشره ايام افكه والبس المشد اللي من الفخذ لتحت الصدر لكن وقت النوم افكه واكون لابسه بنطلون ماسك على بطني واذا صحيت الصباح ورحت لدورة المياه اكرمكم الله البس المشد المهم م افكه الا بعد شهرين او ثلاثه
والحمدلله الكرشه عندي مختفيه خلقه من جبت اول مولوده لي لاخر ولاده
وهذه طريقتي لبأذن الله اطبقها على ولادتي هذه الله يتمم لنا بخير ويسهل علينا الحمل والولاده
بالنسبه لي انا اتحمم شبه يومي لكن بس جسمي شعري بالاسبوع مره وحده وقبل م اغسل شعر ازيته قبله بيوم
وجسمي من بعد الولاده ثاني يوم ابدا اهتم فيه واستخدم خلطه لجسمي وازيته كله بخلطه الجلسرين السايل واصنفره شبه يومي بسكر وزيت زيتون وليمون
وفي الاسبوع مره وحده حمام مغربي
وربي يطيح سواد البطن الحين بطني ماشاءالله ابيض ☺️غير عن جسمي لكن بمجرد م اشوفه اليوم الثاني عن الولاده لونه صاير بني غامق😲 انصدم واضطر ادهنه بخلطة الجلسرين واشوف السواد كيف ينزل مع الاستحمام
والبيبي الاسبوع الاول يوميا بعد اخفف عنه يصير كل ثلاث ايام واحيانا يوميا عل حسب الحليب تعرفون الترجيع حق المواليد الله يبلغنا شوفتهم وهم بصحه وسلامه
وباذن الله بكره ادخل التجمع
وحيا الله من انظم الينا من الكروشات الجدد😍😍😍
وعلى البركه حنين النسيم 🌹 الصبي💙
الله يتتم حملك ويقر عينك بشوفته وهو بحظنك
تصبحون على خيييير 😘😘😘

ايش خلطة الجلسرين الله يعطيك العافيه

السرة في لها بودرة تنباع بالصيدلية
على ايام بنتي مالقيتها و قالوا مقطوعة منهم من زمان
و جارة امي الله يجزاها خير قالت ذوبي مرة في ماي وبعدين جيبي قطنة و بلليها بماي المرة وامسحي على السرة و تجف و تطيح
و سويتها مرتين او ثلاث و طاحت السرة

ماشاءالله كل يوم اتعلم منكم شي
والسره كم المده بعد الولاده عشان تطيح
والملابس ماتاثر على السره