🎀تجمع المتفائلات بالحمل لشهر ٤ و٥ /١٤٣٩هـ باذن الله🎀

انا امس وقبله احس معي زي اعراض الدوره ظهري يوجعني وصدري ماابي اتوهم بس غريبه توي باقيلي كثير ع موعد الدوره العاده قبل الدوره بيومين
وامس نزلت على افرازات غريبه سايله و مايله للون الكريمي يعني مو صافيه مع انه الايام اللي قبل كنت ناشفه !!


ياربي رحمتك احاول ماافكر كثير بالحمل بس غصب عني تصير اعراض واجلس اهوجس فيها 🌚💔 مع اني ادري انه مو زين كثر التفكير بهالموضوع 😩 يارب ترحمنا وتحقق منانا

استغفر الله عندي احساس ان ماراح احمل هالشهر 🙂


الدكتوره بعد ماعارض زوجي التلقيح الصناعي قالت الشهر الجاي اجل نبدا كورس تنشيط ابر بدل الحبوب ( فيمارا ) مع ان المبيض استجاب وحجم البويضات كويس بس الله مااراد انها تتلقح ماادري يمكن فيه اسباب اخرى انا جلست اهوجس لايكون رحمي فيه اجسام مضاده تقضي ع الحيوانات المنويه 😟 لان حتى زواجي الاول ماحملت مع ان وقتها ماكان التكيس ظاهر يعني كنت سليمه ! 😢
الله يهديه زوجي لو نختصر المشوار ونسوي تلقيح صناعي بس رافض بمشي ع اللي تقوله الدكتوره والله ينفعني بها تقول اذا نزلت الدوره تعالي ثاني يوم اعطيك ابر منشطه وانتي تحقني نفسك انا قمت اتراعد يوم قالت انتي تضربي نفسك الابره ياربي مستصعبه هالموضوع ماادري شلون اخاف اجيب العيد وادق الابره بطريقه غلط واروح ضحية ابرة تنشيط 😅 وطبعا قالت بعدين اعطيك ابره تفجيريه بالوقت المناسب


سؤالي هالحين ابي اعرف وش تنفعني فيه الابره التفجيريه ؟ هل لها فائده وتجيب نتيجه للي عندها تكيسات ؟


احيانا احس هالدكاتره يستغلونا وش سوت يعني مجرد عطتني نوع اخر من المنشطات اقوى جرعه فقط بتزيد لي عدد البويضات وبعدين تفجيريه ! طيب مو المفروض تسويلي فحص اجسام مضاده قبل تشوف اش المشكله بما ان البويضه حجمها مناسب وزوجي ماعنده مشكله ليش ماصار حمل !؟ بدل ماتروح هالابر ع الفاضي يمكن عندي مشكله بعنق الرحم ، هذا والمركز والدكتوره عليها مدح قد الدنيا بس ماادري احسها مو ملمه بجميع جوانب المشكله او استنزاف فلوس


الله ياجرنا ويعوضنا خير

لا إله إلا انت سبحانك اني كنت من الظالمين
ربي لا تذرني فردا وانت خير الوارثين
يارب بين الاذان والاقامة اسألك ان ترزقني وترزق اخواتي اللي بهالتجمع الحمل الثابت السليم هذا الشهر او الشهر اللي بعده يارب فرح قلوبنا وقلوب اهالينا هالشهر انه لايعجزك شيء ياقائل ادعوني استجب لكم ارزقنا الحمل هذا الشهر انا وجميع اخواتي هنا انك ولي ذلك والقادر عليه 🙏🏼💕

اللهم آمين ايه جامعه

اللهم آمين الله يجبر خواطرنا جميع ويرزقنا مانتمنى