ابي اخذ رايكم

الله يصلح حالكم يارب ويغنيك من فضله
عني أشوف الخمسمية جيده لو دبرتيها صح
اتركي عنك الدعاء واتجهي لسلامة الصدر
يعني الوقت اللي تقعدين تدعين عليه وتتحيسبين خليه للذكر والدعاء بصلاح ابنك وسعة رزقك واياه
أكثري من قول حسبي الله ونعم الوكيل بنية فرج الضيقة
ولا حول ولا قوة إلا بالله
استبدلي الذي هو أدنى بالذي هو خير
ومدري لو تخصصين لو ريال من هالخمسمية صدقة ربما ترين بركتها عليك وعلى ولدك
وأتمنى تتقبلين مداخلتي بصدر رحب وكأخت لك في الله ناصحة

معليش بس سؤال هل الـ 500 ريال شهرياً او اكثر من شهر ؟
واذا تقدرين تعطينا نبذه كيف تصرفين الـ 500 ريال وكم ياخذ السواق بالفصل الدراسي الواحد ؟

لاني اشوف المبلغ كويس كمصروف لشخص واحد اذا تم حسن التدبير بالمبلغ

وبقول شي واتمنى تفكرين فيه زين بجديه لمصلحتك ..

امتنعي عن التواصل مع طليقك لأي سبب كان حفظاً لكرامتك ومنعاً للتجريح والشكوك اللي ممكن تجيك منه .
واذا في طلبات تتعلق بالولد خلي ولدك هو بنفسه يتواصل مع ابوه ويطلب ويتنافش باللي يحتاجه ويقنع ابوه او ابوه يقنعه انتي اطلعي منها .
واذا في نقاشات او امور كبيره بخصوص النفقه الله يسلمك يفترض اهلك هم اللي يحلون ويربطون ويتكلمون مع الرجال انتي خلاص مالك علاقه فيه واتمنى ماتحطون الولد شماعه تعلقون عليه انتقاماتكم الشخصيه من بعض وتستخدمونه ضد بعض لانه ماله ذنب في طلاقكم ومشاكلكم الشخصيه .
ويكون في علمك تواصلك معاه اكبر غلط حتى لو بيجون ناس يقولون عادي ومافيها شي معليش فيها مليون شي وشي وتجيب مليون مشكله وحتى الرجال نفسه ممكن يظن انها كل ماكلمته تطلب شي يفسره انها ميته فيه وتبيه يرجعها على ذمته او يظن انها تبي تستغله بالفلوس وتنتقم منه او حتى زوجته اذا كان متزوج تسبب له ولك مشاكل كبيره

فنصيحتي لكل مطلقه معها اولاد عزي نفسك واحفظي كرامتك ولا تكلمينه الا في اشد واضيق الظروف

الله يفرجها على الجميع

انا زيك والله العظيم مطلقه والله يخلي لك ولدك وولدي
شوفي انا مع عيالي والله العظيم كل يوم احلى من الثاني
متفاهمين جدا على سالفة الصرف واقتصادين واغلب اكلنا نطبخه نادر مطعم
حاولي انك تعتمدين على نفسك عشان تسلمين من منة احد انا كذا الحمدلله
وماشيه اموري الحمدلله
والطلاق سعاده وراحه نفسيه انا وجهي كل يوم يشع منه الفرح والوناسه اهم شي عيالك معك ومبسوطين ومسنعتهم بدون ذل او حاجه لاحد
ولاتنسين فيه ضمان يساعدك مع المصروف اشتري الضروريات وبساكيت خفيفه لولدك ابتعدي عن الشوكلاتات والاشياء الغاليه المضره
والله يوسع عليك ويخليه لك

معها وبقووووه لاتتواصلين مع اي من طرف اهل ولدك انسيهم هو وابوه الله يغنيك عنهم
وخصوصا لو متزوج امكن تتضرين انتي وعيالك منه ومن زوجته واهله
خلاص الطلاق فرج لو هو تاجر يمكن هو طبعه يحب الدنيا وبخيل
تكفيك انتي وولدك الخمسميه مع الضمان يعني هو يحسب انه سعر ولده خمسميه اغلب الرجال كذا الا من رحم سعر عيالنا عندهم خمسميه وخلاص
عاد احسن من اللي سعره ولا ريال ههههههههههه
وسعي صدرك اهم شي وليدك يحس بحنان الام ورحمتها واهتمامها وتنبهين له وتغطينه لانام وتحت نظرك مو عند ولية الغريب ..

اذا تضمنين ان المحكمه راح تعطيك اكثر اي طالبي بحق ولدك استشيري محامي اول ؟؟
نصيحه لاتتنازلين عن اي هلله لولدك حتى لو ماصرفتيها جمعيها بحصاله او سوي له حساب بنكي او مايخلص الثانوي يبدا بمشروع صغير ينفع نفسه ويعتمد على نفسه وانتي حاولي تشتغلين اي شغله واصرفي على ولدك ولاينقصه شي دلعيه وعزيه لاتخلينه ينحرم من شي علشان انك مطلقه خليك قويه وخلي ولدك قوي مثلك