التجمع ال ٣٨ لأجمل حوامل وأمهات التوائم ❤️❤️

الله يهديك بس ويحفظ اللي ببطنك ارتاحي ارتاحي انتبهي تروحي مول امشي شوي واجلسي شوي مو كله تمشيه مرا وحده اغلبنا بحمل التوأم حرمنا انفسنا من طلعات ومناسبات وسفرات لان حملهم جدا حساس

بنات لا تزعلوا احس تجمعنا نايم🏃🏃🏃🏃

يس نايم..

انا باعطيكم سالفة نسولف فيها..

بس قبل بنات جد جد صغروا مقاسات ملابس توائمكم لاول شهر..جد بناتي هالقد قدهم الله يحميهم..النيوبورن كبير يدينهم تطلع من فتحة الرقبة 😂

بنات من فيكم زيي..انا هالفترة صاير يجيني خوف وقلق غير طبيعي..بدا معاي قبل حملي بيومين وعشان كذا انقطعت..

الخوف الي فينيمو من المسؤولية انا عارفه اني اقدر عليهم واكثر بعد..الخوف من التغيير..اول راسي براس زوجي..الحين كل شي بيتغير..

انا عارفه من قبل لا احمل وابي بس كأنه الحين بس مخي قاعد يتبرمج..

المصاريف الحرية الطلعات السفر الراحة النوم..واشياااااء كثير بتتغير..

قرارات مهمة كثير بتتاثر زي دورات العمل و زيارات الاهل بمدن ثانية..ركبة الطيارة ماعادهي صايرة بنفس السهولة..


كل هذا لاشفت عيونهم وشلتهم يزول ويتبخر..بس مايمنع ان هالافكار ماتطلع من مخي..

مين مثلي؟؟ بنات الي والدات نحتاج كلمتكم بهالموضوع..

كن انت الله يهدي بالك يارب .. الله مايكلف نفس فوق طاقتها راح يرزقك القوه والصبر على تربيتهم بس دايم كثري دعاء اللهم هون علي تربيتهم
ادعولي بنات
الدم مرا نازل معاي واصل ٧
العنق قصير صاير وهو مربوط المشكله الدكتوره ماقالتلي وقت العمليه كم كان وانا حدي خايفه يقصر اكثر بالشهور الجايه وتوني مااقدر اخذ ابرة الرئه
مدري اللي وصلوا بداية السادس بعد الربط كم كان العنق
والسكر معدوم مره ياانخفاض ياارتفاع
والمشكله الاكبر متورطه بالدوام لازم سفر والدكاتره بالحكومي يشوفون حالتي ويقولون لي بدري ع الاجازه يارب فرجها من عندك
نفسيتي زيرو صايره
الله يكتب اجري واجركم ويعدي شهور حملنا على خير وسلامه

مشكوورات على الرد
بس فعلن مأنبني ضميري
وعندي موعد مع الدكتوره اليوم
ربي يعين ويتمم لي على خير