السلام عليكم .. انا لي عضويه قديمه هنا .. بس حبيت اقول مشكلتي بالعضوية الجديده ..
انا متزوجه عندي بنت ٤ سنوات وحامل بفضل الله ..
البارح بنتي طلبتني جوالي ورفضت .. وتبكي وجاء ابوها حط لها اليوتيوب ع جواله وناااااام ..
وانا جاني الفضول اخر الليل وناديت بنتي وبالعافيه عطتني جوال ابوها ..
ودخلت واتس وكل شي تمام .. الا رسايل من اخته .. المهم يطلب منها انهاا تدور له عروس .. وهي تقول له مانت صاحي تو زوجتك صغيره وطفله بس عندكم حرام تصدمهاا وهي حامل ..
ويقول لها انا ماحبيتها ولا عاجبني شكلها الخارجي ولا لونها ابي وحده طويله وبيضا وطبخ وسنع ..
وترجع اخته تقول له ترا حتى انت فيك عيوب يمكن هي مو مصبرها عليك غير البنوته والحين حامل يعني حياة اطفال برقابكم مافي سعودي حب من قلبه كلن يمشي حياته عشان الاطفال ..
وهو مصر ع الزواج ويقول لها انا ابحث مسيار اذا لقيت كان بها واذا مالقيت غير شرعي راح اتزوج .. وتقول له عادي تتطلق زوجتك وعيالك يضيعون وانت استمتع عاد..
وهي راح تزوج بعدك مايردها شي .. فكر بعيالك .. ويقول عيالي لهم البيت وحياتهم وهي لها بيتها .. مالها دخل فيني ..
والله ي بنات اني اطبخ له وأصحى اخبز له كل صباح .. يمكن شكلي اقل من عاديه بس بشرتي فاتحه جدآ لدرجه أطرافي ورديه وعنده هو اسسسسود ..
والله مانمت من الحزن والهم .. تو عرفت انه مايحبني ..
وأخته تقول له حرام تصدمها بأول حياتها وهي تحبك .. ويقول لها ادري انها تحبّني وهي ماشافت مني ولا وضحت لها غير الحب . بس ماعجبتني ولي خاطر بغيرها ..
وش أسوي بالله .. الله المستعااااان
شاركي في النقاش
سجلي الدخول لإضافة تعليق.
التعليقات
43- وكاتب كمان .. أنا راحمها ولا فاكهاا ..
يعني يطلقني بس رحمه منه لي مخليني ع ذمته ..
والله تعبت - عزيزتي .. اللي اقدر اقوله لك ..لا تفكري الا بنفسك وبحملك وبنتك ولا تشيلي همه تزوج ما تزوج .ما يحبني ينتقد شكلي .الرجال معروف لا بغى يتزوج وحط الشغله براسه بيحط للحرمه مئه عذروب.عشان يقنع نفسه أولا واللي حوله ان لك حق بالزواج حتى لو ان الكلام اللي قاله مو صحيح..
الشيطان شاطر وبيبدأ يشغلك فيه صلحي وواجهي وثوري عليه ..لاكن وحده بوضعك حاليا مع الحمل يبغالك راحه نفسيه...قوي علاقتك مع الله .كثري دعاء ..اللهم لا تجعل الدنيا أكبر همي ..يا حبيبتي احنا في زمن الفتن والملذات اشغلتنا الدنيا وزينتها عن طاعة الله ..والله المكسب الحقيقي هو دينك وعيالك وعاملي زوجك بما يرضي الله تعالى وربي بيفرجها عليك . - اذكري الله يختي وافرشي سجادتك وادعي ربي يسخرة لك ويجعلك جميلة في عينة
ويحنن قلبه عليك المشكلة الرجال مايشوفون انفسهم يبون الزوجةع هواهم وليش هو ماشافك الشوفة الشرعية
وانتي اهتمي بنفسك وخليك دايم كاشخه ودلعية بالحركات والكلام الحلو وخليك واثقه من نفسك
وامدحي نفسك قدامه خليه يشوفك جميله
اختي تقول معنا وحده عادية جدا بس كشخة ودايم تمدح نفسها بس بدون مبالغة يعني تقول
اذا احد جاب لون شعرها تقول احلى لون واحلى جسم جسمي تقول لين صرنا نشوفها ملكة جمال
حتى لون بشرتها دايم تمدح لونها تقول الحين يتعبون المشاهير عشان يصيرون مثل لوني وانا من ربي خلقني كذا
اهم شي ثقي بنفسك وادعي ربك ولاتخلين يبين عليك انك دريتي عن الموضوع سماره أماره عزيزتي .. اللي اقدر اقوله لك ..لا تفكري الا بنفسك وبحملك وبنتك ولا تشيلي همه تزوج ما تزوج .ما يحبني ينتقد شكلي .الرجال معروف لا بغى يتزوج وحط الشغله براسه بيحط للحرمه مئه عذروب.عشان يقنع نفسه أولا واللي حوله ان لك حق بالزواج حتى لو ان الكل…
انا مع الاخت سمارة مثل ما تقولك وكمان اختي دائما الرجال يبحث عن الغموض في الست مشان هيك حاولي اهتمي بنفسك وانشغلي بحملك وربنا يوفقك اكثري من الدعاء وانشاء الله ربنا يسخره لك وحدك- اول شئ انتي مخطئة لأنك فتحت جوال زوجك وهذا نوع من التجسس وياقلبي مالك الاالمكتوب وأفضل شئ الدعاء وإلا ستغفار والحوقله
مواضيع مشابهة
تابعي تجارب أخرى من هذا القسم.