من يقول اني حامل ؟!

ههههههه استغفر الله

طيب انا بقولك عن نفسي اول ما حملت مافي حد ما خبرتو بحملي القاصي والداني من فرحتي واجهضت في الرابع ووحدة من اقاربي اتشمت فيني شماتة والله حسيت سكينة في قلبي وعرفت معنى استعاذة الرسول صلى الله عليه وسلم من شماتة الاعداء وحملت بعدها واجهضت من بعدها صرت اخبي حملي وربي العالم انه مو خوفا من العين لانه الحمدلله عندي ثقة بالله انه هو الحافظ واقرا اذكاري وسورة البقرة يوميا ما اخبر بحملي غير امي واخواتي وام زوجي واخواته فقققط واوصيهم ماحد يعرف لحد ما اخلص الخامس وكلو خوفا اني نفس اللي اتشمت فيني تعرف اني حامل واجهض وتفرح فيني والحمدلله ربي عوضني خير.اما عن اللي يخبو حملهم فاشوفها حرية شخصية اللي خبرني بفرح له وببارك له واللي ماخبرني لمن تولد بوجبها وببارك لها والحياة حلوة☺ماراح ازعل نفسي او انكد نفسي هذه قالت لي وهذه ما قالت لي ..كأني طولت في الكلام ههههههههه

اعجبتني تمارين الحمل والولادة 😅

انا الشهور الاولى ماحب ابين للناس أني حامل تعرفي لييش لانه بيتعبوني بعدين ها ولدتي لسه ماولدتي اكن أن علمتهم بالخامس يحسبون الحمل جديد ويستغربون من ولادتي المبكره 😂😂مدري تفكير خاطئ أو لا لا تهجموا علي 😧

انا اقول لكم بعض الاسباب😆

اول شي لان اللي تحمل ينشبو لها اسأله فكل مره تشوفهم او على مواقع التواصل والله اعرف وحده لما حملت نشبوا لها كل يوم تخيلوا يرسلو لها ما ولدتي وهي كانت تعتقد انو عشان يبون يزورونها ويتطمنوا عليها اذا ولدت المهم ولدت بالسلامه ولا وحده من اللي كانوا يسألوا عنها زارتها
ثاني سبب التهاويل من تحمل الوحده تجيها قصص من الي حولها تسم البدن وتخوفها من الحمل والولاده حتى لوهي والده من قبل وهات يانصايح كل ما تشوفهم ما كأنها تراجع عند دكتوره وتاخذ منها النصايح الصحيحه
كمان اللي تقز بطنك تبي تحزر انتي حامل ببنت او ولد من شكل بطنك اذا رحتي عنهم جلسو يتكلمو بطنها كبيره بطنها نازله بطنها صغيره بطنها مرتفعه 😂😂 حامل ببنت لا حامل بولد ف عشان ترحمهم من المناقره وترحم نفسها واللي ببطنها الافضل ماتقول وتخليهم يتناقروا على حامل ولا مو حامل
وكمان الاشاعات فلانه ولدت وهي لسه في السادس لا وبعد ابشركم يسمون المولود ويحددون بنت ولا ولد وكل شوي الحرمه تستقبل تهاني ولا اسأله عن مصداقية الخبر
واخيرا عند بعض الحريم اللي تتكلم عن حملها من بدري تتعسر ولادتها وهذي ما أأيدهم فيها مع ان فعلا شفت نماذج بس كل شي بأمر الله قبل كل شي
واعرف حريم فعلا انواع الحسد اذا دروا ان وحده حامل طول الفتره يدعون انها تجيب اللي فبالهم سوا بنت ولا ولد طبعا من باب الحسد مثلا اللي عندها بنات يدعون انها تجيب بنت زياده واللي تجيب اولاد يدعون تجيب ولد استغفر الله
وبعضهم مثل سلفتي اذا مو حامل ماتجيني الا في السنه مره و من تدري اني حامل يجوني زيارات طول فترة حملي كل اسبوع عندي تجيني العصر وما تروح الا الساعه 2 في الليل عشان اكرف واتعب