من يقول اني حامل ؟!

فيه ناس ماتتوكل على الله حتى لو تحصنت وقرأت المعوذات والأذكار كلها
تخاف لو شافت أحد ناظر لها بالغلط

تصير كثير شوفي أنا صح متأخره او عندي إسقاطات بس ماتوصل إنهم يحبون حملهم مدري يخافون على أنفسهم او يخافون على مشاعري المشكلة قراب مني مررررره وهاذا مو اول طفل لهم وبعدين عادي الله اكبر القطاوة تحمل وتولد وعادي هاذا رزق من الله والله سبحانه موزع الارزاق يعني كل وحده بتحمل بقعد أزعل وابرطم ويضيق صدري مو لهدرجه بالعكس ادعي لها وإذا ولدت ابارك لها وارفعها بعد وعلى قواتك مذري ليش يحبون اعرف لك ناس تخبي بناتها ومتعلم انهم حمل الين يولدون

فيه ناس النقاش معهم ضايع نقولهم لو انسالتي وحملك واضح وتنكرين وهي تقول تدخل ولقافة؟
وين اللقافة بالموضوع اذا شافت حملك ودعت بس هالفئة حرام فيهم حتى تدعين لهم لان عندهم مرض نفسي وخوف من الناس وضعف ايمان حتى لو تقولين كلمة طيبة تقلبها عكس والدليل موضوعي وبالذات لما تكلمت عن المتأخرات واللي عندهن مشاكل انا ذكرت الموقف وقلت انه مو بس انتوا تتعرضون لهذي المواقف من باب المواساة وعشان يعرفون انه فعلا اللي فيها بلا بتخبي عن اللي عندها او ماعندها بس هنا غيروا معنى كلامي وانتي ماجربتي الحرمان ماجربتي الاجهاض ...... الخ
وش جاب ذا لذا ولا بس تبون تقلبون الموضوع
هو كان اساسا نقاش بس اشوف اغلب الردود هجومية يعني 90% من اللي ردوا عندهم هذي العقدة والموضوع اثر عليهم
عموما الحمدلله اللذي عافانا مما ابتلاهم به وفضلنا على كثير من خلقه تفضيلا
فعلا نعمة العقل والاستقرار النفسي وحسن الظن بالله والناس ..

ما اقول لاحد اني حملت ، اذا سألني اخد اكيد ما راح اكذب ، راح اقول الحمد لله ،الشيء اللي يغث بالموضوع ان الناس مهتمه لامور غيرهم ، يعني تجيك وحده تنشب لك اسأله عن خصوصيات الخصوصيات ، وبنفس الوقت هي تخبي عنك ؟!

ان معك ان الكذب حرام ومايجوز بس اللقافه شينه الواحد يخفف اساله عن البشر علشان مانخلي البشر يكذبون بسبب الاحراج وصلت المعلومه خو ؟؟