التجمع ال ٣٨ لأجمل حوامل وأمهات التوائم ❤️❤️

حللي وان شاء الله يكون ارتفع ياقمر

بنات الان التحجر تحسي بطنك جامد ومع الم مثل السكاكين فبطنك 🤐

بنات انا بعد مااخذت اول كورس ابر حديد جاني حراره خفيفه وصداع وبهتان بالجسم
هي اعطتني الابر لمدة ٥ ايام متواصله بعدين مرتين خلاص اسبوعين والبارح اول انبولتين اخذت وصار معايا كذا

السلام عليكم ورحمة الله
شلونكم امهات ان شاءالله بخير إنتوا وتوينزاتكم
انا للحين بالمستشفى
حبيت أطمنكم علي وعلى بناتي الحمدلله بس وحده منهم وزنها 1.300 والثانيه 1.900 وحدة منهم احتاجت تنفس صناعي بس اللحين الحمدلله المهم بقول لكم قصتي
يوم الخميس اللي طاف يعني قبل اسبوع كان عندي موعد تصوير وشاف الدكتور الفرق في الوزن 900 غرام يعني اكثر من عشرين بالمئه انا هنا استخفيت والأفكار تودي وتجيب قال بنشوفج بعد اسبوع علشان نقرر وطبعاً قبلها كنت كله تعبانه حتى زوجي قام يقول أتضايق من تعبج صار يتأزم الحركة صارت وايد صعبه والنوم والاكل والحمدلله كل شي باجره طبعاً قبلها كان ضغطي مَش مضبوط وجاني نفاخ في رجلي اليمين بشكل فظيع يخوف امي تقول مب طبيعي النفاخ رحت الطوارئ كان يوم السبت شكوا بالجلطة سويت أشعة دوبلر والحمدلله مافيه شي بس قال الدكتور لازم مراقبه بعد اسبوع المهم اللي توقعوه احتباس سوائل وضغط عالصوب اليمين جاء يوم الاثنين بس خلاص وصلت حدي من التعب احس جسمي ماعاد يتحمل حتى المشي وطلعت الدرج ماقدر من رجلي رحت موعدي مع الاستشاريين تكلموا عن الوزن قالوا خلاص بعد موعد التصوير نحدد يعني بعد اسبوع رجعت البيت مافيني اي شي نمت اليوم الثاني زوجي طلع من الفجر وقمت ابي اصلي وانا في الحمام الله يعزكم قمت امسح اشوف دم قلت لا يتهيأ لي انا من حملت ماشفت دم الحمدلله وامسح مره ثانيه لا فيه شي كلمت اختي قالت الدم ماينسكت عليه كلمت زوجي قلت يمكن فيني ولاده هو أختبص وكان بعيد عني كلمت امي قلت لها بجيكم اروح المستشفى المهم جاني السائق هو اللي وداني رحت الطوارئ دخلوني على طول بدون اي قياسات حطوا التخطيط كان فيه مفاجاه فيه تقلصات 😭😭
جات الدكتوره تفحص ونزل دم قالت متبطل الرحم يلا ولاده وأكلم زوجي قلت انا ولاده قال الله يهون عليج انا هنا انفجرت صياح وامي كانت برا اكلمها وأصيح صارت مناحه قالت الدكتوره تجربين طبيعي قلت اسفه الموضوع مافيه نقاش قعدت تقنع فيني وجاني دكتور يابنت الحلال قلت هالحمل مب حقل تجارب قال فكري وبرجع لج شوي الل دكتورتي داشه علي الله يوفقها ويجزاها خير يااااارب قالت لا قيصيري الأوزان ماتساعد عالطبيعي على طول ودّوني يمه من المقصب اللي دشيته مت جاني دكتور التخدير يلا الابره سويت الوضعيه كانت مزعجه ومحرجه في نفس الوقت اللي اذكره كنت مسنده رجولي على شي ماعاد حسّيت الا بحراره وماعاد حسّيت بجسمي انسدحت حطوا القسطره قال يلا راح يبدأ الدكتور قلت خلاص ابي انام مابي أكون قاعده خدروني قال لا مانبي البيبي ينام شوي اشوف انعكاس الدكاتره وهم يشتغلون في الليت حق العمليات انا هنا جاني دوووووخه وابي ارجع وأقول للدكتور برجع جاب لي شي قال يلا كان احساس بايخ ماعرفت احس التخدير واااصل لين مخي قلت للدكتور بموت انا خلاص قال لا شوفي النبض كويس والأكسجين انتي مرتعبه بعطيج مخدر نامي اذيتهم وازعجتهم يبون ينوموني احس بخنقه ماحسيت بروحي الا انا ماسكه دكتور التخدير حسيته تضايق 😂😂
قال يلا نامي والشيخه ماتبي تنام بس تخدرت وثقل لساني أقول جيبوا أكسجين مافهموا علي المهم شفت اول وحده طلعوها نتيفه فديتها ماصاحت قلت جيبوها ودوها داخل قالوا بينظفونها شوي طلعت اختها صاحت وعقب سكتت أشرقت بالماي أقول جيبوها بعد ودوها مع اختها وغفيت لين اشوف وحده منهم طلعوها حاطينها في شيشه قلت جيبوها كان عليها جهاز التنفس مب مبين وجهها جاتني دكتورة الأطفال قالت بناخذها عندنا على قولتها منها حسنانه تتنفس لحالها وقَعَدت في الافاقه تقريباً لين العصر وعقب ودّوني للعنايه قعدت يوم كامل وبعدها رحت للجناح طبعاً تحليل الحصبه طلع مرتفع وعطوني تطعيمتين الحمدلله ربي ستر علي انا وبناتي وحده منهم امس الله يعزكم جاها إسهال ومسوين لها تحاليل انطر النتيجه اليوم ياااارب مايكون فيها شي يارب انك أعطيتني اياهم من غير حول مني ولاقوة فاحفظهم لي وقر اعيننا برويتهم سالمين معافين
بنات لا تخافون ذكرت قصتي لان ممكن حد يمر بالشئ اللي مريت فيه انا حملي كان بعلاج ومن البدايه كان شوي عندي مشاكل صحيه وجهزوا يابنات جهزوا اهم شي التجهيز ترا الشهر الثامن ماينفع تجهزون فيه خلصوا شغلكم من وقت حمل التوام مفاجات ومن غير الثقل الشهر الثامن كان وااايد ثقيل وحجم البطن يكون ماشاءالله ضخم يعني يكبر بزيادة ناس شافوني قالوا فيج توام كذا وحده قبل ولادتي بكم يوم
ايه بنات نقطه مهمه وزن البيبي ينزل بعد الولاده يعني لاتخافون ترا شي طبيعي
وأخيراً يابنات مشكورين كل من بارك وتحمد لي بالسلامه الفال للجميلات الصامدات الله يتمم لكم حملكم بدون مفاجات وتشوفون الحلوين بين ايديكم
استودعناكم الله الذي لاتضيع ودائعه ✋🏻✋🏻

ياحياتي الله يفرحك فيهم ويبلغك فيهم ماتتمني