زمن اول

رفع

رفع الله قدرك

😭😭😭

آآآه يا ايّام زمان ليتها ترجع
ايّام المدارس كانت أمي الله يحفظها ويطول بعمرها تقعدنا الصباح وكلنا نقعد على السفره ونفطر ونأخذ فسحه معنا ونروح للمدرسة مشي
طبعا مدارسنا قريبه وكل اثنين وثلاث يروحون مع بعض
والمدرسه مجتمع بنات الجيران
ونااااااااااسه ياصارت بنت جيرانك معك بالفصل أم الفلللله
تدق عليك اذا غبتي وتشرح لك الدرس💔💔
نرجع من المدرسة ونلقى ذاك الغدا من يد أعز الناس الغاليه الله يطول بعمرها وبعمر الغالي أبوي
كنّا نقيل ونقعد العصر ونذاكر الدروس اللي أخذناها ونحضر حق درس بكره
ياربييييه ما كان احد يذاكر لنا 😭😭😭
اَي درس يصعب علينا نروح لأي واحد كبير وفاهم يشرح لنا
مهو زي عيال هالوقت حنا نركض وراهم😂😂

وَهذَا غير برامج التلفزيون والمسلسلات البدويه
😭😭😭😭😭😭😭
بريك صياح

الله يرحم زمان اول واهل زمان اول ويعيد ذيك الايام
كنت احسب الايام حسب عشان الويكند نروح عند جدتي والصباح ما انام اروح معها للغنم حقتها والعب في المزارع والضحى تسوي لنا خبز على الجمر والشاهي على النار ونفلها لين العصر الله يشفي جدتي ويمدها بالعافيه
وجدي من ابوي الله يرحمه كان كل عصريه يوزع حلاوة بقره على العيال والبنات واي بنت تجي ماهي محجبه نفسها ولابسه ساتر ماتاخذ حلاوه
وفي الليل نلعب طش 😂😂😂😂
والله اتمنى نرجع زي زمان الناس قلوبها نظيفه وماتعرف الحسد والحقد والدنيا ربيع وامطار يالبيييييه على اهل اول
زمان كان العيال والبنات مايعرفو التحرش كل وقتهم لعب وفله واذا جلسو على التلفزيون افلام الكرتون نظيفه هايدي وبيتر وطقتهم
الله يرحم من مات منهم ويمد البقيه بالعافيه ويبارك لهم في اعمارهم

اللهم آمين حياكم الله حبيباتي