التجمع ال ٣٨ لأجمل حوامل وأمهات التوائم ❤️❤️

الله يبارك فيهن ويحفظهن يااااارب
هانت اشبعي نوم
انا في توائمي قبل ماتعبت الحمدلله عرفت اسيطر على الوضع
بخبرك كيف اذا تريدي

الله يجزاج خير حبيبتي النوم مانام من التفكير واذا نمت من الصبح قاعده اروح المستشفى واقعد لين الظهر اخس بالعكس لو هم عندي كان الوضع احسن
وياليت تقولين لنا شلون سيطرتي عالوضع كلنا هنا بحاجة اي نصيحه ممكن تفيدنا

شوفي انا كلهم كانو يقولو الله يعينك 3 توائم شو كنتي تسوي وووو

شوفي اول ايام ماتقدري ترتبي نومهم بس على الاقل قوميهن قبل نومك بساعتين او ساعه ونص قد ماتشوفيهن يتحملن يكونو قايمات
هذي اول 40 يوم لان نومهن صعب شوي
وكانت عندي مكينه شغاله على طول فيها ماي حار مخصص حق المراضيع

كنت اجهز مراضيع واحطهم في الثلاجه
كنت ماخذه ثلاجه صغيره في الغرفه

لما يقومو فليل كنت اطلع الرضاعه
واحطها في الماي الحار ثواني تدفا وحط شي جنب ثمهم واثبت الرضاعه الهم كلهم لين يخلصو

الرضاعه لازم زجاج عشان بسرعه تدفا

هذا الشي ريحني كثيييير
بدال لسوي والعيال يبكو كثير وووو

طبعن طريقة تبريد الرضاعات نصيحه من المستشفى ماتخترب في الثلاجه اعتقد 3 ايام ماذكر بالضبط
بس انا اجهزهن قبل لنام

هذي بخصوص اول ايام

كنت يوميا اسبحهم بس طبعن تنشفينهن كويس وبالذات الاذن عشان ماتدخل البروده من اذنهم والله كنت مرتين في اليوم مرات
يريحهم جدااااااااا ومفيد ينشط الدوره الدمويه
بعض الحريم يخافو يسبحو العيال عشان مايمرضو
والله عيالي ماقد مرضو عندي الا نادر لما كبرو

طبعن تكون الغرفه دافيه ونفس ماخبرتك تنشفيهم ويكون لبسهن دافي

هذا بنسبه لاول ايام

وحاولي ماتخليهم على طول مستلقين

يعني حاولي تشيلينهم وتحركي ايدهن ورجولهم كتمارين عشان الغازات
وشيليهم وضعية الجلوس دقايق
يعني حاول تحركين اجسامهن وانتي شالتنهن

اذا بتركزين على الرضاعه الصناعيه حاولين مايتم بقايا الحليب في فمهم عشان ماتجيهم فطريات في الفم

ولو تعطيهم رضعه واحده اعشاب او شاي امبرس او ميلوبا حق الاطفال حلو

لان كثرت الحليب تسبب غازات وتعب الاعشاب تريح

الله يسعدك على النصايح الجميله ويحفظلك اطفالك ويقومك بالسلامه ياقمر