بنات اختي طيبه وحبوبه واصغر مني ب ٨ سنوات
وبالبيت كل شوي اسوي لك معي اجيب لك احط لك
يعني مره طيبه البنت بس عنذ للناس تنقلب
تصير تكلمني بطرف خشمها ماتعطيني وجهه
تنفخ احيانا قدام بنات اقاربي علي مع انه مو طبعها
ابد ابد هالحركات ولا عمرها سوتها ببيتنا
او مثلا مره رحت معها للبنك تبي تطلع بطاقه
ولما كشفت قدام الناس باسلوب وقح تقول امسكي
طرحتي ونقابي لما اخلص استغرب اسلوبها الجاف معي
قدام للناس لدرجه مره قريبتي قالت علاقتكم كويسه
مع بعض بالبيت؟؟
قلت من احسن شي بالبيت ودايم تجي بعرفتي تشاورني
وش اجط وش اسوي وش رايك باللبس هذا ولا تطلع
مكان الا انا معها زي عياده او بنك لان ماحد يساعذها
غيري بس استغرب اسلوبها يتغير معي عند الناس
ولا اول شي على بالي اتوهم قلت ممكن وسواس ابليس
بيخرب بيننا لكن كل مالها تزيد
بعلمكم حركه هي اللي جذ جد عرفت ان اختي
مو طبعييه عند الناس مرتين
مره طلعنا مع اقاربي وكنا نتقهوى والحلى بعيد عنها
وكانت بس تشرب قهوه وانا اعرف اختي خجوله مستحيل
تقول لاحد وصلولي جيت انا اخذت حلى وعطيتها
قالت لي يدين ترا اعرف اخذ؟؟
ولا اخذته قريبتي انصدمت من حركتها وقامت تلطف الجو
بيننا
لان واضح على وجهي اني انصدمت
والموقف الثاني
مره وهذا زمان بعذ يعني عالطبع فيها من زمان
قدام الناس تتغير لما كانت اختي بالمتوسط
كنت انا طالعه بدري مع قريباتي للشاليه واهلي بيلحقوننا
بالليل جت اختي تسلم ع كل الموجودات وكنت انا جالسه
بالاخير لما وصلت عنذي كشت بوجهي
ماتتخيلون قد ايش الموقف محرج وكان فيه عذم احترام
الاخت الكبيره والمجلس صار بين اللي يضحك من حركتها
وبين اللي منصدم وش هالسخافه
لاحظو هي طيبه حيل بالبيت ولا عمرها سوت هالحركات
بالبيت بس برا ليش ماعرف
مع انها مو جريئه وطول الجلسه لاصقه فيني او بامي
مادري قسم عجزت افسر حركاتها معي بالطلعات
شاركي في النقاش
سجلي الدخول لإضافة تعليق.
التعليقات
15- بسئل لك وحده حركاتها نفس حركااات اختك ...بس مابينهن فرق عمر
كنت احسبها الوحيده ....
فرصه اوريها موضوعك واقول تعملين باااختك كيذا ليش لربما تفوق لنفسها وتعطينا راي - الظاهر اختك ترتبك قدام الناس وتصرفاتها هذي معاك نتيجة الارتباك
او غيرة
انت حاولي تشاركيها الكلام والرأي امام الناس يعني عبريها يمكن من غير قصد منك تطنشيها لما تجتمعوا مع الناس - طيب كلميها بصراحة أستغرب من اللي ما تواجه وتسكت ولا كأن لها لسان
أنتي الكبيرة لازم بعد الموقف تقوليلها قدام الناس خير ليه بتتكلمي من طرف خشمك
أوقولي ليش بتقولي هل الكلام أو ليه عملتي هل الموقف استحي على دمك واحترميني تراني أختك
الكبيرة وبحسبة أمك
واذا ما تقدري عل المواجهة ارجعي من المشوار وقولي لها خطأها بينك وبينها تراكي تموني
احتمال تعتبرك من الجيل القديم لأن الفرق ٨ سنوات يعني بتخجل فيكي قدام الناس حتى لو أنتي صغيرة - طيب ماسألتيها لما ترجعوا البيت ليش سويتي كذا مو حلوه الحركه البنات يحسبونا متزاعلين. وحتى لو متزاعلين لازم نبين قدام الناس نحب بعض ونحترم بعض وازعلي عليها لاتكلميها خليها تحس بغلطها ..
مفروض تكلميها اول نا ترجعو ليش تخلي الموضوع يكبر براسك . حليها أول بأول ... المشاركة المقتبسة غير متاحة.
ايوه بالضبط
هي تبي تحس انها قويه
لاحظت كثير بمواقف
تبي تفرض قوتها
بس انا وش دخلني تستعرض
بالكلام علي والتفشيل قدام الناس؟؟
هي صحيح
عمرها ١٨
مواضيع مشابهة
تابعي تجارب أخرى من هذا القسم.