بنات اذا وحده من قريباتك جات زارتك بعد فتره طويله
في بيتك الجديد وجايبتلك (بقايا اكلها هي وزوجها )
وحصل مره ثانيه واعطتك ملابس مستخدمه
ايش حتسوين ؟
الموضوع ..
انه انا بنت عمي انا وهي نفس الاخوات
زارتني بعد ماسكنت بشقه جديده وطبعاً ليا منهاسنه
وقبل متاجيني كانت بمطعم هي وزوجها وعيالها تتغداء والي فاض
جابته ليا علماً انه عندها خبر انا مااكل بقايا الاكل
حتى بالعزايم اذا ماجلست والصون تو فاكينها ماعاد اكل
وماجبت اي هديه على انه توي ساكنه في بيت جديد
على انه انا لمن ازورها ولا ازور غيرها انا كذا فيه طبع
اجيب شي مشرف لكن هي لاحظت فيها هذي الحركه
بس معايه انا لانه انا اكثر من مره اشوفها لمن تزور
حمولتها تجيب شغلات مره فخمه مثل صندوق عوده فلوس
ومره راحت عند وحده من قريباتي وسوتلها سفره كامله
هي جيبتها من بيتها معجنات وحلى وشغلات مخصوص علشان هذي الانسانه لكن انا لا وانا ماابي منها شي
بس الشغله ذوق انا شخصياً مستحيل اعطي احد بقايا اكل احس عيب واهانه بحقي انا شخصياً
ومره ثانيه جيتها بيتها ويوم قربت اروح بركب بسيارة زوجي انا ماشفت ولدها الصغير اعطته كيس كبير مره وقالت له يحطه بسيارة زوجي وكنت مستعجله وماسآلت ايش بالكيس ويوم وصلت مافكيته انشغلت وربي حماني اساس مافكيته الا اليوم الثاني وزوجي بالعمل تخيلوو الكيس كله ملابس قلك لبنتي وليا كلها مستخدم حتى ليته مستخدم ونظيف كان بتصدق فيه
مهريه ومنمش وملابس فيها بقع وصخه وجاكيت ولادي صغار قلك لبنتي الجاكيت مشقوق وفستان قلك ليا فيه بقعه الزبد شي مره يحرج انا مشكلتي ماشفته ومابقدر ارجع الكيس لانه زوجي بيشك علماً انه زوجي مره يخاصمني انه مآخذ ملابس لنفسي من احد وهوا فعلاً مايقصر معايه حتى مآخذ لنفسي ولبنتي الا شي حلوو
وهي تعرف هذا الشي انه احناء ناس منآخذ ملابس من احد المهم فماقدرت ارجع الكيس وكمان مره انقهرت يعني فعلاً الله لايحوج احد عند احد والله شي الواحد يستحي يقدمه انا حسيت بشعور الفقراء معقوله في ناس تقدملهم شغلات كذا بشعه حقها تكون ممسحه المهم انا من قهري رميت كل الملابس وبقيت قطعه وحطيتها ممسحة سيراميك وصورتها بسناب وحطيتها عام وهي عندي وكتبت احلى بريك بعد التنظيف وشافتها وسكتت يمكن حركتي مالها داعي بس من قهري يبنات تخيلوو تبيني البس بنتي ملابس ولدها المهريه
شاركي في النقاش
سجلي الدخول لإضافة تعليق.
التعليقات
43- حركتك معها👍
وزين رميتي الملابس
والاكل عيب تجيب لكم بقايا اكلها من المطمع حركتها ابدا مافيها ذوق - انا عني بتكلم معها ...انتي شايفه علي حاجه ...
وبخبرها ان الأكل ممكن تودية لأي محطه تعطية العمال ...
واللبس ترى مايتقدم الا للمحتاج وتكون حالته كويسة مو مبقع وهريان - كان رديتي عليها بمسألة الملابس ليش تسكتي كان قلتي لها والله ي ام فلان جيت بتصدق بملابسك للجمعية بس استحيت انها مهترية وحالتها حالة
سكوتك اكبر غلط وكأنك راضية عن اللي تسوية مافي احلى من المواجهة والصراحه - سؤال كيف حالتكم الماديه و هل معروف بين أقاربك إنه يعطونك ملابس مستخدمه و تقبلينها ؟
عشان أعطيك رأيي بصراحه بس - اختي الاصل حسن الظن يمكن هي غبية وما عنها وعي بتصرفها او يمكن معتبرتك بحسبة اختها وهذيك الي خذت لها هدية فخمة علاقتهم رسمية مو اخوية مثل علاقتها بك
لو انا مكانك ارمي الاكل والملابس لانه الانسان يقرف من الاكل الملعوب فيه لو انه متبقى منك انت اوكي لو انه قطعة كيكة مثلا مقسومة بالنص اوكي لكن باقي اكل وعلى حسب وصفك ما تتقبله النفس وحتى الملابس منتهية صلاحيتها اكيد برميها لكن ما ابين لها اني رميت شئ يعني حركة السناب ماكان لها داعي
ليه تأجيج المشاعر صديقتك واكيد تعرفين سلوكها ان كانت تقصد اهانتك او لا المفروض الواحدة ما تتعمق في الصداقة وتجيب الواحدة لبيتها وروحات وجيات وهي باقي ما تعرف طباعها المفروض انك عارفتها لو هي واحدة تخاف رب العالمين ومحترمة او لا لانالحركة هذه لو مقصودة بتكون صاحبتها (اعوذ بالله منها )
بالنسبة لي رغم انه الحمدلله مستواي المادي ممتاز لكن عادي انا وخواتي نتبادل مجوهراتنا وملابسنا وكل شئ حتى خوات زوجي الي عندها عرس تستعير اي شئ مني فساتين اكسسوارات جزم شنط اي شئ واذا شئ ما كان مقاسي او ما عجبني اعطيه لقريباتي وهن نفس الشئ
مواضيع مشابهة
تابعي تجارب أخرى من هذا القسم.