هل ممكن الطبيبه تكون غلطانه؟

لا اله الا الله
استغفري الله يا اختي
اهم شيء الصلاح بنت والا ولد كلهم خير وبركه وهديه من رب العالمين
وأحمدي الله على نعمته هذي نعمه غيرك يتمناها
هذي بنوتتك قطعه من روحك بس بتشوفينها اكيد بتحبينها
افرحي بها
افرحي ان بيجيك بنوته يمكن تجي تاخذ ملامحك
وتصير نسختك الصغيره
ممكن تجي تاخذ من حركاتك وضحكتك وصوتك واسلوبك
ترى اول صوت تسمعه هو صوتك
وماتنام وتحس بالامان الا بحضنك انتي يا امها
هذي قطعه منك مالها غيرك انتي جبتيها للدنيا
بتكبر وبتتعلق فيك زياده
بتصير تبكي اذا غبتي وتشتاق لك وتخاف عليك اذا مرضتي وتداويك وتدعي لك وبتداريك اذا كبرتي وضعف حيلك
وش احلى من البنت
البنت كلها حنيه ولطيفه وهاديه
حبي بنتك حبيها من الحين
تخيلي ملامحها وتفاصيل وجهها وعيونها اللي بتشوفك بها قبل كل شيء بالعالم
حبيها واعطيها حنانك
وانا متاكده انك بتحبيها اول ماتشوفيها وتسمعين صرختها
بتطلع من بطنك وتدخل قلبك على طول
أتمنى ان كلامي لامس قلبك🌹

فيه جمله معروفه من زمان وهي جمله اللي ما جابت البنت تعتبر ما خلفت... والله يا حبيبتي البنت تحن عليك وتنفعك أكثر من الأولاد... الولد بكره يتوظف ويتزوج ويشغل في حياته وتبقين لوحده لكن البنت مهما انشغلت لا بد ترجع لك... وحتى لو سكنت منطقه غير منطقتك راح تجيك بالعطلة هي واولادها لكن الولد مهما بر فيك راح ينشغل مع زوجته... اعرف وحده جابت عشر عيال ما قام فيها الا بنتها الوحيده البنت يا اختي بنت وصديقه ورفيقه.. تشكين لها وتشكي لك لكن الولد لو بغى يشكي بيشكي لابوه أو اخوه أو صديقه..

فعلا قد سمعت بعد قصه مشابهه لهالقصه
لا تعترضين على اللي ربي كتبه
كل شي من الله خير
وإذا جبتي بنت عطيني هههههههه انا عندي ولدين ونفسي اجيب بنت وأقول لزوجي شكلي مع كثر ما انا ودي اجيب بنت بتكون خلفتي كلها اولاد هههههه

اعوذ بالله كل هذا كره للبنات وعشق للاولاد بكرة لكبرتي بتعرفين قيمة البنت البنت اللي تتمني أنها ما تجي الله يرزقك العيال وان شاء الله ما تشوفين خلفه البنت هاه كذا مرتاحه

اذا ماتبينها عطينيها اربيها مع بنتي اللي الحين حامل فيها واقضي لها
وادعي ربي يقومني بسلامه واربيها
والا انتي ماهمك الا حب الذكور
هي حاجتين مالها ثالث واعذريني لو قسيت
يانك دقه قديمه اللي تحب العيال عشان تفتخر أنها ماتجيب بنات 😂😂😂😂
والا انتي مافيك خير ل امك وخايفه تصير مثلك وهذا الاغلب لان البنت تكون مثل امها