`·.¸¸.·´´¯`··._.· مجرة الزمرد..و بدأنا العد التنازلي للولادة..أمهات أكتوبر`·.¸¸.·´´¯`

الحبيبات احلى كروشات كيف الحال وش اخبار الصمود معاكم

الف مبرووووك لراعية مبدأ..والله يجعلة من اهل الصلاح والتقوى

الحبيبة ام شماني
وشلون الحمل معك فديت شمة اجل تغسل لنفسها ..يارب يسعدها ويحفظها إلا كم عمرها اتخيل انها بعمر ولدي الصغير سنتين ونص .
.

الحبيبة عرق سوس
وين الغيبات ..تصدقين اني انا وانت وام شماني وصوت الكناري حول بعض وهوني كانت معنا وسبقتنا عاد


الحبيبة حنين الفهد
الله يسهل عليك وييسر امر ولادتك . عاد شدي حيلك علشان تولدين

انا لك
اي والله اخترت هالاسم لانه معبر!!
الله يهداه دايم ينتقد ويعيب وما يعجبه العجب خصوصا هاليومين ما ادري اش صاير له الله يهديه ويسخره لي ولبيته وعياله امين يا رب
ساعات احس انه متضايق لاني حامل ببنت وعندي من الاول بنتين ولو انه ينكر بس يا ربي مو بيدي شسوي هذي حكمة رب العالمين
كل المسؤوليات على ؤاسي بدون رحمه ولا كاني بولد غقب ايام قليله
الله يفرجها يا رب

الله يخليهم لج يا رب ويتربون في عزج وعز ابوهم .. والله يقومج بالسلامه

حبوبه هونيها وبتهون .. والرياييل ما يملي عينهم شي .. انا يوم بنتي زعل اني حامل بنت والحين حامل بولد .. ويسمع الدكتورة تقول ولد .. لكنه مب مقتنع ابداً انه ولد .. وترا البنت والولد منهم هم .. لكن سبحان الله قناعاتهم غير شكل .. الله يسخره لج يا رب ادعي له بالهداية .

ام عبدالرحمن
الله يهديه ان شالله
تخيلي ان مع الثقل والتعب ومو راضي يشيل عني اي شي من المسؤليات واذا اشتكيت ما يعطيني وجه
هذاك اليوم اقول له شوف ريولي اشلون وارمه كانها ريول فيل قعد يطالعها بعدين قال لي وع!1 شكلها مقرف!
تخيلي قلت له الله يسامحك هذا بدال ما تقول لي الله يهون عليج وما تشوفين شر
الله يهديه يا رب لان نفسيتي حيل تعبانه