انا وزوجي دخلنا بدوامه .. الله يفرج للي تنصحني

السلام عليكم بنات
اسأل الله العظيم ان يفرج همي وهمكم ويرزقنا مانتمنى عاجلا غي آجل


بنات انا عندي تاخر حمل .. تقريباً ٣ سنين احاول احمل .. المهم ناس مدحو لنا دكتوره وانها كويسه لتاخر الحمل .. ورحت لها هالشهر .. مابقى تحليل ماسوته .لي ولزوجي .. وقلت معليش التحاليل ضروريه .. وكتبت لي ولزوجي علاجات مٌكلفه جدا واخذناها ( هذا وقت دورتي قبل اسبوع) وقالت اذا انتهيتي من دورتك تعالي .. رحت لها وسوت لي كشف نسائي وقالت معك قرحه وسوت لي كي بارد .. وكتبت لي لستة علاجات ( تحاميل نوعين .. كريمات ادخلهاجوا نوعين ومضاد وغسول ) احسها مررره مكثره العلاجات !!! وغاليه تطق الالف وفوق !! هذا غير العلاجات اللي كانت واصفتها لي وقت دورتي نفس الشي من الالف وفوق !!
وتحاليلها فوق الالفين
وش رايكم اكمل معها ! كل دخله ادخل عندها تكتب تحاليل او تصرف علاج وانا مالي عندها الا اسبوعين تقريباً!


اذا تعرفون دكتوره شااااااطره بتاخر الحمل وغير ماديه ياليت تفيدوني بها .. اللي اراجع عندها حاليا على ان سمعتها كويسه الا اني نوعا ما مو مرتاحه على اسلوبهم بسحب الفلوس
ولاحظت اللي يراجعون عندها اذا سولفت معهم اول كلمه يقولونها ( شاطره بس ماديه وعلاجاتها غاليه )
ووحده من المراجعات تقول لاتشترين كل علاجاتها !
وياليت تفيدوني بشغله .. صرفت لزوجي كلوميد .. ولاحظت من لما استخدمه ونفسيته قالبه .. متوتر ومصدع وتجيه ضيقه وكل شوي يقول فيني ضيقه


ولاني انا زمان استخدمت الكلوميد وجاب لي نفسيه كنت ابكي منه تاكدت انه منه وقريت ان اعراضه تقلبات المزاج !


وش رايكم اقوله يوقفه .. مرره متغير مع استخدامه صاير مكتئب ومتشائم😢


وحاجه اخيره واسفه كثرت عليكم
سويت الكي البارد للقرحه من ٣ ايام وصرفت لي
مضاد
وتحاميل بوثيل يوم ايه ويوم لا
وتحاميل جاينو ميكوزال في اليوم اللي ما استخدم فيه البوثيل
وكريم ادخله جوا مره باليوم
وكريم معه حقن ادخله جوا مره باليوم
وغسول مرتين باليوم
(تحسون علاجاتها كثيره 😓؟) اخاف اتسبب على نفسي بكثرتها
ولما راجعتها اول مره وقت الدوره صرفت لي مضاد كذا بدون اي سبب !! استخدمته ٦ ايام وبعدها لما كشفت علي وقالت معك قرحه ورجعت صرفت لي مضاد اقوى تقول استخدميه اسبوعين
افيدوني الله يجزاكم خير

11 تعليق 2,430 مشاهدة

شاركي في النقاش

سجلي الدخول لإضافة تعليق.

التعليقات

11
  1. @goly_43

    الله يرزقك يارب
    اغلب الادوية تبدأ مفعولها بعد ثلاث شهور
    ومو شرط بعضهم من اول شهر
    طالما صرفتي وبدأتي معها كملي معاها شهر عالاقل
    اسأل الله تعالى ان يرزقك الذرية الصالحة
    دعواتك لي
  2. @lsbr_agr

    جولي☆
    الله يرزقك يارب اغلب الادوية تبدأ مفعولها بعد ثلاث شهور ومو شرط بعضهم من اول شهر طالما صرفتي وبدأتي معها كملي معاها شهر عالاقل اسأل الله تعالى ان يرزقك الذرية الصالحة دعواتك لي
    الله يرزقك ولا يحرمك
    بس للحين ماقلتي تشخيص عطتكم اياه كله ادويه وش اسباب تاخر الحمل هذا الاهم
    وانتظري تخلص العلاجات اللي شريتيها ولو ماتغير شي مع علاجها غيريها
  3. @ghyom_24

    حبيبتي علميني وين ديرتك عشان اعلمك اي دكتورة
    وايش سبب تأخر الحمل عندكم
    ياختي 3 سنوات خلاص ماينفع تنتظرون حمل طبيعي روحو لعيادة عقم ومساعدة عالانجاب مثل سمير عباس او الحبيب لان خلاص العمر يمشي والكلوميد يهلك المبايض انا متزوجة من سنتين و 6 شهور وهذا انا سويت اطفال انابيب انتظار الحمل الطبيعي بس سنة وبعدها اتجهي للتلقيح صناعي مافاد اطفال انابيب وعلى حسب سبب تأخر انجابكم راح يحدد الدكتور + حطي ببالك علاجات المساعدة عالانجاب غالييية بشكل ما تتصورينه انا اطفال الانابيب كلفني 23الف بس متخيلة !! غير علاجاتي عند دكتورة وكورسات ادوية وتحاليل غير دكتوري الحالي وعلاجات زوجي وسفر العلاج والله كلفتنا 30الف تعبنا من التوفير والجمعيات ياحي يا قيوم لا تضيع تعبنا وترزقنا واياكم وكل محروم بالذرية الصالحة
  4. @amany_61

    كل الدكاتره كذا وكل مراجعات تاخر الحمل والانجاب كذا مره مره غاليه
    انا صرف الوف مألفه وتاخرت خطط كثير في حياتي وفشلت لي عمليات كثير وانحبطت والحمدلله على كل حال الله عوضني ويارب يعوضني مستقبلا كمان بكل الخير
    هذا الدرب طويل ومتعب ويحتاج ميزانيه وصبر وايمان قبل كل شي


    اولا انتي ما قلتي سبب تاخركم وليه زوجك ياخذ كلوميد الطبيب يقول لي الزوج اللي معه سمنه فقط هو اللي ياخذ كلوميد
    ممكن زوجك يحتاج فيتامينات
    الافضل انتي وزوجم تروحو لطبيب كحاله وحده ويكون طبيب يعمل حقن وتلقيح. انا من عرفت انه عندي وزوجه مشكله ٤ شهور بس من زواج وعملت تلقيح ومن اول شهر بعد الزواج راجعت تحاليل عاديه.
    تقولي الدكتور صرفت ادويه كثير اجل كيف دوامه الحقن واجراءاته
    انصحك نصيحه لوجه الله الامومه شي غالي جدا وهذا كلامي دايم اكتبه تستحق التعب والمعاناه والالم حاولي تستجمعين قوتك انتي وزوجك وتحافظون على نفسياتكم وادخري فلوسك في شي مفيد وهو حقن افضل اذا عندك مشكله لا تفكري حتى بالتلقيح الصناعي
    والله ييسر لكم يارب.
    على فكره معظم التحليلات تقدري تعمليها بالمستشفيات الحكوميه حتى لو من دكتور خاص ادخلي على الطبيب العام
  5. @sweetmama1407

    صاحبة الموضوع
    غـيوم
    حبيبتي علميني وين ديرتك عشان اعلمك اي دكتورة وايش سبب تأخر الحمل عندكم ياختي 3 سنوات خلاص ماينفع تنتظرون حمل طبيعي روحو لعيادة عقم ومساعدة عالانجاب مثل سمير عباس او الحبيب لان خلاص العمر يمشي والكلوميد يهلك المبايض انا متزوجة من سنتين و …
    اهلا غيوم انا بالرياض
    انا تقول عندي نقص بسيط بهرمون التبويض وقرحة بعنق الرحم
    وصرفت لي مكملات غذائيه

    زوجي نقص بالعدد ( مع انه قبل سنه ماكان عنده نقص بالعدد) وضعف حركه ولزوجه ودوالي بسيطه

    متزوجه من ١٢ سنه في البدايه تاخر حملي ٤ سنوات وبعدها حملت طبيعي وجبت ولدي وحاليا بعد ماتم ولدي ٣ سنوات وانا احاول احمل .. وكل شوي اروح لدكتوره بس كان عوقي زوجي الله يهديه يطنش مايسوي تحليل احيانا واذا صرفو ادويه مايمشي عليها .. ودايم يبغانا نأجل الموضوع
    هالشهر حنيت عليه ورحنا لهالدكتوره .. يارب ياكريم تكون فاتحة خير علينا .
    والله نفسي اروح لعيادات العقم افضل وخبره اكثر بس المشكله زوجي مستحيل يروح الا لما يقتنع تماما .. ولو يروح لهم وهو ما اقتنع ممكن يطنش العلاج

تابعي تجارب أخرى من هذا القسم.