صديقتي الخبيثه

هلا بنات...
وصلت لمرحله ابي اصير خبيثه...ابي اصير لعينه ابي اصير ام دوابير على قولتهم...طيبتي بتهدملي بيتي...ابي كيد النسا اللي اسمع فيه..
للي ما يعرف قصتي...زوجي وصل لمرحله يبي يعيش حياته ويفلها وقال الامور تمشي مثل ماهي عليه بس هو بيدور سعادته على قولته..وصار لنا سنتين كل واحد بغرفه...المهم جربت جميع الطرق ..التطنيش الاهتمام التدليع ...يتفاعل معي بس ما غير موقفه ابد ... ولا يبادر ابد حتى بكلمه حلوه...صارله كم شهر انتقل لمدينه ثانيه يشتغل فيها ويجينا في الويكيند..ولما يجي يقضي اغلب وقته في غرفته وعياله لما يقولونله ماتقعد معنا في الصاله زي اول يقولهم اللي يبيني يجيني بابي مفتوح!! طبعا ما يسأل فينا ابد طول الاسبوع لا بمكالمه ولا حتى بمسج.
الطامه الكبرى لما اكتشفت ان صديقتي اللي اعتبرتها اكثر من اخت واللي تقرب لزوجي اصلا...طلعت عقرب رمل ...ولها علاقه بزوجي (الله اعلم نوع العلاقه) وكانت محط اسراري كل شي كنت اقوله لها..حتى اني اقولها لو ظروفي تسمح كان تطلقت وما كملت معه...مع العلم انها متزوجه...بس خبيثه توصل للي تبيه ..وشخصيتها تسحر سبحان الله تسيطر عليك.
انا مليت من محاولاتي مع زوجي ويأست الله حسيبه..بسوي الواجب فقط.. وصديقتي سحبت عليها بس هي مازالت تحاول تتواصل معي وكل مره اتحجج بظرف...انا ما أقدر اواجها لأني اولا/ ماعندي دليل ..ثانيا/ حتى لو عندي دليل وحطيته في عينها ما اتوقع يهمها وماراح تخاف تتطلق لأن زوجها شاريلها بيت بإسمها و مستقله في حياتها وموظفه يعني امورها في السليم..وما اظن بيهمها كلام العيله او الناس ويمكن وقتها زوجي يتزوجها...مدري بنات زحمة افكار في راسي.
انا حاقدة عليها اكثر من حقدي على زوجي احس موقفي سلبي صحيح منتبهه لعيالي وبيتي بس صايره متفرج اشوفها تسحب زوجي بس ما بيدي حيله...الى متى ابتحاشاها وانا مصيري اشوفها في جمعات العيله...وكيف اتعامل معها ..هل احسسهم اني داريه بس ايش بستفيد خصوصاً اني ما اقدر اخذ موقف...
زوجي مهو حريص ابد على انتقالنا عنده صحيح قالها مره بس واضح انها مو رغبته وانا ماعندي استعداد انتقل على وضعنا الحالي...وانا متأكده اذا تقابلت معها انها بتسألني عن انتقالنا .. مو عارفه ايش الرد المناسب هل اقولها ان وضعنا في السليم واحتمال اني انقل (بس كذا العب عليها) او ان الامور لسه ما اتضحت ..او اقول اني ماراح انقل العيال متعودين على مدارسهم واهلهم ما ابي اقطعهم عن احد..حطو في بالكم ان الكلام اللي بقوله احتمال كبير يوصل لزوجي.

وكيف اوقفها عند حدها

77 تعليق 24,356 مشاهدة

شاركي في النقاش

سجلي الدخول لإضافة تعليق.

التعليقات

74
  1. @noaafth

    لاحول ولاقوة الا بالله ...الله ينصرك ...موضوعك تدبيرة وحله عند رب العالمين .... كثير من البنات راح يعطونك نصايح ..لكن التنظير يختلف عن التطبيق ...ويمكن ما تناسبك .............لكن احيانا نوضع في البلاء حتى نعرف ان الدنيا هذي مافيها سند وقوة .غير رب العالمين ...
    قومي قبل الفجر بساعة ...
    .وادعي وقولي يارب اني ابراء من حولي وقوتي الى حولك وقوتك ....يارب دبر امري الى احسن امر .. واكفني كيد الكايدين....













    اسأل الله ان يفرج همك ويشرح صدرك ويزيل الهم والالم من قلبك ..ا
  2. @am_salm_88

    لا تقولي لها شي ابدا وخليها في حيره من أمرها واطنشها وابدائي من جديد ببناء علاقه مع زوجك وانسى الماضي وكسبي قلب زوجك إذا مب عشانك عشان عيالك.. ولا تسمح لشخص أين كان يخرب بيتك وعلاقته بزوجك.. وهذي الحرمه ابتعدي عنها وخليك رسميه عندها سلام وبس ولو تقطع علاقتك بها أفضل.. الله يوفقك ويسخر قلب زوجك لك ولعيالك... 🌹
  3. @mnalmn

    الله يكون في عونك والكيد والخبث ابتعدي عنه مافيه زي الطيبه لكن مو الاستغفال المؤمن كيس فطن والمؤمن القوي خير وأحب الى الله من المؤمن الضعيف القوة مو الخبث وكلي امرك لله وخلي اسرار بيتك لاتطلعينها لاحد احتفظيبها لنفسك واذا سألتك قوي ان شاء الله قريب بننقل هذا زوجي ابو عيالي ومالنا غناة عنه خلي الكلام يوصله يمكن يتعدل وضعه
    ويمكن سبب ابتعاده عنكم انك قلتي لو القى فرصة تطلقت فهو حس انك ماتبينه عشان كذا ابتعد عنكم

    خليك ايجابيه ودايم بيني انكم تبون ترجعون له وتبون وضعكم يتعدل للافضل
  4. هلا بيك


    الله لايوفقها ماتخاف الله
    اسمعي انتي قلتيها خبيثه والخبث لايدل ابدا على الذكاء يدل على الشر والحقد وعدم الخوف من الله وانه انسان واطي




    الخبث مايدل على ذكاء ياما دلوخ فيهم خبث
    صديقتك للاسف زوجك والله طعم لها


    انا معك في انها باسلوبها تقدر تخلي العالم يرضخون لها ويسمعون لها لكن فيه رجال ونادر مايتاثر واغلبهم لو وقع بوحده فيها كيد وخبث يتاثر حتى اذا هو قوي شخصيه


    عموما اولا اسرارك لاتقولينها حتى لأحد حتى أ ختك الزمن ذا ماعاد فيه صدق ولا وفاء


    الشي الاخر اللي تسوينه صح حاولي تبعدينها عن بيتك وعيالك


    تدرين ليش تحب تنقل حكيك له


    لانها حسووووووووووووووود تبغى تفتن وتدخلها من اجل تخريب حياتك
  5. @am_skhr2

    صاحبة الموضوع
    والله يا بنات بعد ما انتقل كنت دايم اتواصل معه سواء بمسجات او مكالمات والله كنت احس نفسي ثقييييله ورخيصه يشوف المسج ولا يرد وبالمكالمه اسحب منه الكلام سحب ودايم يتحجج انه مشغول...عزت عليّ نفسي...حتى بالعلاقه انا اللي ابادر دايما .. وهو ما يداري مشاعري ابد ولا ياخذ بخاطري ابد لما اكون متضايقه لمحتله ان فيني اكتئاب ومضغوطه من المسؤوليه ولا همه ولا تناقش حتى في الموضوع..الى متى..هو يشوف عطائي بلا حدود وضمني وحطني في جيبه ليه يتعب ويبادر ...ابيه يمشي خطوه وحده وانا امشي عشر ماعندي مانع بس ابد مايجي ولا نص خطوه...انا جدا مستغربه كيف بعد هالعشره الطويله صار كذا..انسان ثاني

تابعي تجارب أخرى من هذا القسم.