السلام عليكم
انا توي مسجلة بالمنتدى
حبايبي انا بنت ماسبق ان تزوجت عمري ٢٨ تقدم لي ثلاث مرات خطاب ولاكتب الله بنصيب قبل شهرين تقدم لي شاب عمره ٣٣ موظف وشهادته جامعيه عن طريق خالتي تصير صديقة امه الموهم راح ابوي سأل عن الولد الكل اثنى عليه وعلى اهله وصلى كل مره معاهم في المسجد وشافه وجلس مع الامام وسأله قال اعرف الولد وابوه واخوانه وقال ماقد سمعة عنهم الا كل خير والولد يصلي معنا والحمدلله ارتحت وكمان سأل في العمل لكن امه دقت الاسبوع الفات وقالت لامي قبل كل شي ياقلبي ولدي عنده صرع من هو صغير ووالله مااخبي عنكم وشرحت عن حالته وقالت تجيه الحاله في السنه مره او مرتين وهو منتظم على العلاج وخالتي تقول لامي شحنات زايده في الدماغ عنده طولت عليكم بس محتارة يابنات مدري اوافق او أرفض معني استخرت كذا مره احس مرتاحه وبنفس الوقت خايفه اجازف ارشدوني واللي تعرف ناس عندهم صرع كيف حياتهم وهل هو راثي ينتقل في الابناء وهل امورهم ماشيه يقدر يروح ويجي ويسوق بحثت كثير وسالت صديقاتي مالقيت الجواب الشافي تكفون محتاجه لكم ابوي وامي قالو القرار الاول والاخير عندك فكري
شاركي في النقاش
سجلي الدخول لإضافة تعليق.
التعليقات
57- للاسف هذا الموضوع بالذات محد يقدر يساعدك فيه لانه قرار مصيري مثل ما قلتي و لا تستعجلين ادعي و استخيري وربي يكتب لك اللي فيه الخير
- اعرف ناس عندهم هذا المرض وماشاء الله شفيوا منه مع الانتظام بالعلاج
وسالفة اذا هو وراثي والا لا الافضل تسالونه هو - اذا كان هذا بس العيب
فمرة بسيط
لا ترفضين
والحمدالله أن اهله طيبين ويخافون الله وخبروك
واذا مرة بالسنة مرتين مو مشكلة
واذا على السواقة اسالي امة
واتصل باي عيادة أعصاب وجهزي اسايلتك ومخاوفك وأسأليها للدكتور
لا ترفضين وموافقة مقدما (: - انا اعرف وحده عندها صرع وعاادي عايشه حياتها مع زوجها وعيالها ومبسووطه وسعيده بحياتها م شاءالله
وجهة نظري عادي م يأثر انتي قلتي بالسنه مره او مرتين بس
والقرار لك شوفي اللي يريحيك وسوي واستخيري كثير - هنا العضوات يقولون عادي لان بنظرهم عادي اهم شي زوج وتتزوجين وتصبرين عليه وتتحملين الهم وحدك بعدين مافي مخ البعض كلهم مو الكل
نصيحه روحي دكتورة وادرسي المرض عدل لان الصرع انواع فيه النفسي وفيه العادي وفي الروحي
العادي شي بسيط
بس النفسي والروحي للامانه خطير توصل للضرب والتعذيب ويمكن القتل
اسالي دكتور او دكتورة واستخيري والله يوفقك
مواضيع مشابهة
تابعي تجارب أخرى من هذا القسم.