خراج بمكان التطعيم

السلام عليكم
طعمت بنتي من اسبوع تطعيمة اربع شهور
وطلع برجلها ورمه لونها احمر والي حوالينها ازرق وبدت ترتفع حرارتها
مع اني كمدت لها رجلها بعد التطعيم وحطيت لها كريم بس مافاد
وديتها للمستشفى ومن شافتها الممرضه قالت مطعمتها ب المستوصف الفلاني صح قلت ايه قالت هذي خامس حاله تجينا ب الاسبوع هذا بوقت استلامي واكيد جايه حالات ب الاوقات الثانيه الي طعمت الاطفال ماتعرف تضرب الابر صح الله يسامحها
حولوني لطوارى الجراحه قال الخراج مستوي لازم افتحها وانظفها قبل لا تتكاثر البكتيريا بس راح تصير معركه مع بنتك والم ب الايام الجايه وتحملي شوي او تبين احولك لدكتور الاطفال وهو يحولك للجراحه قلت حولني ما بي اشوفها تتعذب الحين
قلت لامي ورفضت اوديها للمستشفى تقول حرام صغيره على العذاب احنا يا الكبار ما نتحمل يشقون جلدنا بمشرط وشلون هي توها على العذاب والبهذله ونصحتني استعمل لها الكريم الاسود تقول ينظف الخراج بدون شق وعذاب


الي صار لها مثل حالة بنتي ايش سوت
وهل الجسم استفاد من التطعيم ب الحاله هذي
وايش تنصحوني اوديها يفتحون لها رجلها وينظفونه ولا اكمل على الكريم الاسود
وادعولها ان الله يشفيها 😩😩

4 تعليق 10,372 مشاهدة

شاركي في النقاش

سجلي الدخول لإضافة تعليق.

التعليقات

4
  1. مادري والله ايش اقولك
    الكريم الاسود ممتاز وجربته انا لما جاني خراج
    لكن بنتك تو عمرها صغير ماتدري هو يناسب سنها او لا
    ولو كان بيفيد معاها كان وصفلك الدكتور يدل الجراحة
    من رأيي روحي لدكتور الاطفال وقوليله عالمرهم
    وشوفي ايش بيقولك
  2. @alshhrorh_alyzabth

    صاحبة الموضوع
    أولادي أغلى ماعندي
    مادري والله ايش اقولك الكريم الاسود ممتاز وجربته انا لما جاني خراج لكن بنتك تو عمرها صغير ماتدري هو يناسب سنها او لا ولو كان بيفيد معاها كان وصفلك الدكتور يدل الجراحة من رأيي روحي لدكتور الاطفال وقوليله عالمرهم وشوفي ايش بيقولك
    بحاول اليوم امر على الدكتور واشوف ايش يقول عن الكريم
    يعطيك العافيه
  3. @am_alnory26

    مااعرف عن المرهم الاسود شي لكن بنت صديقتي صار لها نفس الموقف وفعلا حطو لها بنج موضعي وشالو الخراج والحمد لله الحين امورها زينه
    اممممم
    وصعبه صغيره وتخلين الخراج فيها ماتدرين يمكن يتجرثم الخراج لاسمح الله
    هم اعرف بتتعبين معها بس وقت التنظيف وبتزين الامور ان شاء الله
  4. الافضل تروحين لاستشاري بمشفى معروف بسمعته وتوكلي على الله من توكل على الله فهو حسبه الخراج لازم يطلع عشان لاسمح الله ماينتشر بالجسم ويطلع ع الدماغ شفاها الله شفاء لايغادر سقما

تابعي تجارب أخرى من هذا القسم.