السلام عليكم ورحمة الله وبركاته
نفسي اتكلم عن الخلطات و الاكلات المنتشره اللي للانجاب و الخصوبه و ما الى ذلك ✖️
و احياناً يتم التأكيد ع فعاليتها عن طريق تجربه لقريب او صديق ✖️
تجربينها ع نفسك و تحبطين بالنتيجه اذا ماضرك زين لكن البعض يضرهم و راح يكتب عنو برضو و يحذر منو 😅
ترا الخلل مو الاكل او الفاكهه اللي اكلتها (اذا كانت طبيعيه) الخلل بالمعادن اللي بجسمك او بهرموناتك
شخص عنده نقص نحاس( اخذ قسط هندي ) رفعه له و زانت اموره و هرموناته انت عندك ارتفاع نحاس تروحين تاخذينه مثله ليه ؟ ثم بتجين تنقدين الشخص و تحذرين من القسط الهندي 😩
و الا تاخذ مكسرات مليانه زنك و هيا معها ارتفاع زنك اصلاً 😩
( ب اختصار شي يناسب غيرك مو شرط يناسبك )
الافضل قبل كل شي تشوفين معادنك و هرموناتك وشو ناقص ووشو زايد و تحددين برنامجك الغذائي ع هذا الاساس مو تاخذين جدول شخص ثاني قد تكون اموره عكسك تمامًا و تنكبين نفسك
فيه جدول منتشر لدكتور الظاهر اغلب الحريم جربوه ناسب البعض و البعض تعبو ع فاضي بصراحه مو معقول الدكتور يتعب و يدرس و بالاخير يطبع لنا نفس الجدول !
و ابد سلامتكم قلت اللي ببالي اخيراً الحمدلله ، ارجو من اللَّہ ان يشفينا جميعاً يارب
اتمنى ان هالموضوع يغير اشياء كثيره و مفاهيم خاطئه و يصحح لكثييير و عن طريقه يارب تصححون اكلكم و تزين صحتكم يارب
ماعليكم من كركبة الموضوع كل ماجيت اكتبه تضيع الكلمات حسبي اللَّہ 😕 ~امون عليكم كني معرفه~😁
كتبت الموضوع ب هالقسم لاننا اكثر ناس تحتاجه و للمعلوميه كلنا بالهوا سوا 🌸 و الحمدلله
موضوع مميز
