شاركي في النقاش

سجلي الدخول لإضافة تعليق.

التعليقات

1,996
  1. سلام عليكم

    دندن يا قلبي سلامتك انتي الظاهر نفسيا عن يوجعك راسك

    هدي اعصابك

    هاد المغرين عامل زي القولون العصبي هههههههههه

    لانه انا مجربة القولون العصبي كيف وكيف نفسيتي لما تتعب بعرف اللي حاسة فيه

    هدي اعصابك

    سكعت عن وصفة يمكن حكتلك ياها من صديقة الي بكندا دارسه طب بديل

    بتقلي زيت القرنفل مع حبه البركة كتير كويس تاكليهم زي العسل معلقتين ما رح تحسي بشي

    لفترة معينه يعني

    والله يشافيكي لما تشربي الدوا دايما يكون عندك نيه الشفا من رب العالمين ان شاء الله

    مبارح صليت بالبيت قيام الليل ودعيت لكل احبابي واصحابي واخواني واخواتي
    والكم ولكل المسلمين ولأأولادي ولزوجي ولنفسي

    ان شاء الله عندي يقين انه ربنا رح يتقبل مني كل دعا
  2. @aanodty10

    ^ دمعة حزن ^
    الحمد لله تمام ,,, الله يسلمك في هل الرمضان تلخبط الجدول بس والله حزنانه عليه لاني بدو يخلص كنت مفكره السنه انه رح نتعب منه انه اجا في الصيف واليوم طويل بس والله كان احلي رمضان من الايام الماضيه كيفك انتي وربنا بتقبل منا ومنكم صالح لا…
    السلام عليكم
    تقبل الله صيامكم وقيامكم


    شوفي دموعه بعرف إنك بتقدري تصلي بأي وقت من بعد صلاة العشاء لقبل صلاة الفجر
    يعني أنا إمبارح صليت العشاء وأكم ركعة قيام وقرأت قرآن وماصليت الوتر ونمت وصحيت قبل الفجر بساعة ونص وكمان صليت كم ركعه وصليت وتر العشاء وقرأت لحدا أذن الفجر صليت الفجر ونمت

    يعني بأي وقت بتقدري تصلي بس ماتكوني مصلية وتر العشا لأنه لاصلاة بعد وتر
  3. صاحبة الموضوع
    السلام عليكم
    تقبل الله منكم،،،
    مبارح ما قدرت أحي ليلة القدر كله بسبب إنه اليهود الله لا يباركلهم منعوا الصلاه في المسجد عنا و طردوا الموجودين و صارت مشاكل، الشباب صاروا يرموا حجار عليهم ، فصاروا يرموا قنابل مسيله للدموع و مع إنه الشبابيك كانت مسكره بس الريحه تسربت و مستخدمين نوع جديد غير النوع اللي تعودنا على ريحته و بعدها صاروا يطاردوا في الشباب و اعتقلوا منهم و لما تجمهرت الناس تخلص الشباب صاروا يطخوا رصاص حي و قنابل مره تانيه، الزوبعه ضلت يمكن للساعه 1:30 .
    أنا صار صدري مثل النار و مخنوقه و انسطلت و ما قدرت أعمل أي شي و نمت شوي و صحيت قبل الصبح بساعه و ربع و صليت قيام الليل و قرأت قرآن و صليت الفجر و رجعت قرأت قرآن شوي و نمت، و هلأ حاسه بوجع في حلقي من آثار الغاز،،،
    بس يلا الليله بحييها مع الأردن ما في مشكله،،،أنا ممكن الليله أو بكره أختم القرآن مره تانيه،،،
  4. صاحبة الموضوع
    *ღ*أم أحمد*ღ*
    فلسطين حرة at2ota زهرة الفراشة noonoo 22 تسلمون اخواتي وآنا ما زعلت بس ما توقعتها منكم اللي اعرفه انكم اخلاق وذوق علشان جذي قلت لازم اسوي حركات علشان اخليكم تنتبهون لي ولو بكلمة جبر خاطر واشكر كل من رد علي ومن ما قدر يرد ادعوا لي
    طلعت قويه :42: ، الله يسهل أمورك، هون الكل بساعد بس مثل ما قلت الكل مشغول في العباده،،،
    تقبل الله منك و كل عام و إنت بخير:)
  5. صاحبة الموضوع
    أنا دعيت للكل هون الليله،،،
    دعيت لكل مريضه بالشفاء،،
    دعيت لكل وحده بتدرس ربنا يوفقها،،
    دعيت للحوامل ربنا يسهل ولادتهم و يتممها على خير و يعطيهم الصحه،،،
    دعيت لكل وحده ما عندها خلفه إنه ربنا يرزقها الذريه الصالحه،،
    و كل وحده مش متزوجه دعيتلها بالزوج الصالح و الذريه الصالحه،،
    و كل وحده مهمومه دعيتلها ربنا يفرجها عليها و ينولها اللي بالها،،،
    و كل وحده ما بتشتغل دعيتلها ربنا يرزقها بشغله حلال كويسه تسعدها و تحقق اللي في بالها،،،
    و كل وحده عندها ولاد ربنا يعينها و يقدرها على تربيتهم تربيه صالحه و يهديهم و يعطيها و يعطيهم الصحه و القوة،،،
    و أهم شي دعيت لشهوده و أم شهوده و حواء الدنيا اللي فقدت زوجها و للجميع و إلي،،،
    و ربنا يستجيب،،،

تابعي تجارب أخرى من هذا القسم.