مشكلتي امي

السلام عليكم انا مشكلتي امي ايه هي امي كرهتني عيشتي انا متزوجه بعيد عنهم الف كيلو كنت مره متعلقه بأمي فوق ماتتصورون مايفوت يوم لازم اكلمها ولا ماارتاح واحس ناقصني شي ومازلت بس للأسف امي بدت تبعد عني شوي شوي وبدون سبب انا اجيهم مرتين بالسنه اجلس عندهم اسبوع الله يشهد اني انظف واطبخ وعيالي ماخليهم يخربون شي بس لا ماتبينا نجي ومن اربع سنين بدت تتغير ولا مره قالت تعالو ونفسي اسمعها تقول وينك اشتقت لك والله مرات مااتصل اقعد شهرين وثلاثه ابيها تزعل تهاوشني بس لا ولا درت عني ويوم اقول بجيكم تقول لازم تكونو جهزتو الشقه ولا وين بتقعدون مافيه تعالو عندنا ومستحيل اسمعها ويوم قلت ليه كذا انتي ماتبينا قالت وانا مانعتك تجين انتي مدلعه وعندك رجلك وعيالكاحمدي ربك وتبين تجين تعالي بس المجالس محد يدخلها تتوصخ وانا ابنحشر مع اختك بغرفه وخوذي الغرفه الثانيه ومدري تكفيكم عاد يعني طرده عينك عينك شي يقهر وهذي مو اول مره اسمع نفس الكلام حزينه فوق ماتتصورون وعيالي يكسرون الخاطر يقولون ليه جدتنا ماتبينا ولاتفكرون امي كبيره لا صغيره بالعمر وابوي زمان متوفي من كنت صغيره والله مره يافرحتي انا وعيالي اخيرا نبي نسافر لأهلي لان مانشوف احد وطفش وبسرعه طيران اجهز الشنط وارسل لخواتي قلت ابشركم نبي نجي لا ونبي نمشي الحين وعيالي يجهزون مو مصدقين وشوي وصل امي الخبر وترسل لي رساله اذا بتجون خوذو شقه وجيبو صحونكم معكم عشان تطبخين لنا اذا جيتكم يعني تقصد لاتجين عندنا خوذي شقه وانا اجي اشوفك وكلام كثير يغث والله العظيم من دموعي ماشوف الرساله وماسافرت وعيالي جلسو يبكون لين داخو ونامو وهذي قصتي مع امي الحين لي عنهم ثمن شهور كنت بروح بالاجازه الي فاتت قبل شهر بس شفتها تقول خوذو شقه عند الشارع العام قلت عيالي اخاف اذا جوكم يقطعون الشارع قالت وليه يجون يقعدون بشقتهم بالله انا جايه عشان اقعد بشقه ولا اتونس مع امي وخواتي والله نفسيتي دمار الله يسامحها فيني حزن مو طبيعي ومنها ماكلمتها والله مافكرت تتصل لها اكثر من شر ونص ولا قالت زعلت بنتي حرام لا عادي تراسل بالقروب مع خواتي وتعزمهن وانا ولا درت ولا سألت عني ياربي رحمتك حياتي والله جحيم وشعور ان امك ماتبيك شعور يحزن ولاتقولون عيالي يمكن ملاقيف لا والله اصلن ماتشوفهم العيال بالمشب وبناتي يروحن عند بنات خواتي وولدي الصغير مستحل اتركه دقيقه قدام عيني وعيالي مره محترمين معها وبنتي تخدمها وتكنس لها وتساعدها وحنا كل جيتنا اسبوع ابي مشورتكم ورايكم