التجمع 104 للمقبلات على الحقن المجهري واطفال الانابيب 🥀

انا اليوم المغرب نزلت الدورة وبكرة ابدأ اول الابر .يارب توكلت عليك وفوضت امري اليك
يارب اطرح فيها البركة والتوفيق والنجاح والبشرى المنتظرة من سنييين
وكل من في التجمع💗

آمين يارب نبشر بعض كلنا هو وليّ ذلك والقادر عليه


طبعاً اول شي لما قررنا نجربه من المدح اللي عليه كلمتهم بحجزله موعد وبالموت قالتلي أقرب موعد بعد تقريبا شهر قلت معليش وحجزناه ولما راح فتح الملف والدخول بـ ٣٠٠ وخلوه يسوي تحليل للسائل قبل يدخل عالدكتور التحليل بـ ٢٠٠ وطبعا كنا مانعين الجماع قبله بثلاث ايام
المهم طلعت النتيجة ودخل عالدكتور وعلمه بالتفصيل عن مشوارنا وعملياتنا الحقن اللي فشلت طبعا زوجي عنده مشكلة في العدد والحركة وتشوهات عالية جداً ونوعية السايل فيها مشاكل قال اولا بكشف عليك عشان الدوالي وكشف وقال الحمدلله مافي دوالي اذن لازم تحاليل دقيقة للهرمونات عشان اعرف وين المشكلة بالضبط واعطيك على اساسها المكمل وسوا تحليل هرمونات ب ٨٠٠
يعني تقريبا اول موعد دفع حدود ١٥٠٠
واعطاه كورس ثلاث شهور الكرتون الواحد بس ب٤٠٠ وعليها
وبعد الثلاث شهور راح للموعد ودفع كشفية ٢٥٠ وتحليل للسائل ٢٠٠
وزادله كمية الكورس صار ضعف يعني الكرتون اللي ب٤٠٠ ياخذه مره بالشهر صار لازم ياخذ مرتين بالشهر يعني كل شهر ٨٠٠ ريال

الحمدلله على كل حال والله انهم جلدونا جلد بس وش نسوي بس امانة زوجي راجع قبل سنين عند طبيب ذكورة واعطوه كورسات كلها خرطي وخرابيط وكشف خرطي بس شريف بكر لااا علاجة على أسس ونتيجة التحليل فرقت مررره

الله يبارك فيه ويجعله باب انفتح في طريق الفرج يالله

الله يتمملك على خير❤️❤️

آمين يارب الله يسمع منكم كلكم ياحي ياقيوم ويفرحكم بالقريب العاجل يارب كلكم تحملون وربي يجبر بخاطركم وبخاطري يارب
انا اليوم ١٤ من الترجيع ونزل مع التحمليه افراز بني الله يكرمكم مااقول توترت بس وكلت امري لربي يختار لي الخير ويرضيني فيه بااعظم الرضا
احيانا اقول يارب تثبته واحيانا اقول يارب لوفيه شي لاتثبته لاني عانيت بحملي ولله الحمد عندي طفل مريض بالقلب وهذا الشي خلاني اتردد كثير اني اعيد العمليه وتأخرت ٥ سنين وكل الناس يدعون لي ويقولون لاتحطين مرض ولدك سبب
الحمدلله متوكله على ربي وادعي ربي يرزقني بالطفل الصحيح السليم المعافا من كل الامراض والتشوهات والعاهات يارب لاتردني خايبه
احيانا اقول يمكن من عينه زوجي عنده تشوهات واحيانا اقول لو من عينته كان ماثبت حملي وجبت ولدي علما ان ولدي كان درجه ثانيه بس اقول يمكن اثرت فيه ماادري وش اخربط بس املي في الله كبير اجيب اطفال اصحاء سليمين معافين ويعوضني خير يارب ويشفي ولدي حبيبي ويطمن قلبي عليه ويخليه لي ولايحرمني منه يارب العالمين الحمدلله على كل النعم كل يوم احمد الله انه عطاني هالولد وادعي ربي يتم شفائه وماعاد يحتاج لعمليات الله كريم ان شاءالله الطب يتطور وافرح فيه 💔

ربي يفرحك بالحمل السليم حسن الخلق والخلقه ويحفظلك ولدك من كل شر
ويحفظكم له
ويحفظلي بنتي وولدي ولا يحرمهم منا .
بيدنا الدعاء وهو اعظم شيء .ربي يفرحني واياكم بكل ما نتمناه بالدنيا والاخرة ..