مساء الخير لكل المتواجدين بالمنتدى متزوجات وغير متزوجات ماتوقعت يوم باسجل واعرض مشكلتي لكن شفت تفاعلكم مع مشاكل بعض وقررت اعرض مشكلتي الله يفرج هم من تنصحني والله بهم لي اسبوع ومعترفه بغلطي
بالبدايه انا وحده حالي حال كل بنيه من الطبقه الوسطى اللي نجتمع بالاعياد عند جدتي واحنا صغار مع قرايبنا لين وصلت سنه ثالث متوسط بعدها اتغطيت وقتها كان واحد من قرايبي يلفت انتباهي احب اسلوبه ومشاكسته وحاولت اتجاهل الموضوع لين قدرت الحمدلله ماكنت حابه ادخل بمواضيع الحب والخربطه ركزت على دراستي وتخرجت تزوجت وتطلقت من ثالث شهر لانه كان ماهو كويس
ومرت السنوات وهذا اللي لافت انتباهي بالطفولهزمايعني لي شي حتى اذ حكوا عنه عادي
تزوج بعدي بسنه واللحين سمعت انه بيطلق زوجته لانها زي مايحكون عنها عوبا وتقلل ادبها مع اهله انا نسيت الادامي ولا احمل له اي مشاعر اجتمعنا حنا وبنات عمي الاسبوع اللي فات باجتماع كبير والله والله انه ماجاء ببالي ولا افكر فيه اصلا ناسيته بس قالت اخته ان اخوها فاز بمسابقه من اللي يحطون سحب المهم تحركت اشياء بداخلي ولفت انتباهي الكلام عنه فجأه وسحبت الكلام منها لين عرفت وين التكريم وطلعت صورته لان دايم المحه لمحات آآه يابنات ليتني ماحصلت صورته رجعت مشاعري القديمه طحت بحبه والله يابنات من كثر مافكر فيه اخاف اغلط باسمه عند اهلي اصبح وامسي على صورته وهو مادرى عن هوى داري حصلت رقمه وافكر اكلمه واتس عشان اتهاوش معه واكرهه واكيد ماراح اقول له اسمي باخذ رقم شغالتنا واكلمه محادثه
المشكله لو حلو قلت يمكن القلب يميل للشي الحلو والله انه اقل من عادي عادي جدا من وين طلعت هالمشاعر
انا الوم نفسي للحين ماطلق زوجته ناقده على نفسي وش هالشعور اللي جاني فجاه يارب تسعد من تعطيني حل والله لادعي لها بساعه الجمعه تعبت من وضعي لي اسبوع على هالحال قسم بالله انها معاناه ليتني ماحضرت هذاك الاجتماع
الموضوع مغلق
