التجمع ال ٣٨ لأجمل حوامل وأمهات التوائم ❤️❤️

بنات الي عندها اطفال من قبل التوأم احتجتم شغاله والا عندكم احد يسعدكم انا معايه ٣ الحمدلله والحين حامل بتوأم بستقدم شغاله وخايفه من الشغالات☹️

لازم لك شغاله تساعدك وتشيل عنك شغل البيت انا عندي شغاله بالشهر وعندي قبل التؤام اطفال والخوف لابد منه بس انتي انتبهي لها

الله يبعد عنا وعن اطفالنا كل شر ويتمملنا على خير كلنا يارب 🌸🌸🌸

لاتفتكرين في حد اللي بيزعل لايرضي الموضوع جداً شخصي مال حد شغل فيج ليش بيصرفون عليهم لو دروا ولا بيربونهم واصلاً حتى الجنس مب لازم لو حد سال سوي سواتهم قولي مسكر ارجوله ولا قولي مفاجاه ولا من الاخر قولي مابي حد يعرف انا مرت اخوي وصار لها سنين معانا مادرت اني حامل الا بالسادس شافتني في البر بعد وسألتني قالت انتي فيج توام قلت لا وانصدمت يوم ولدت وماعلي منها حبيبتي لاتلقين للناس بال مارآح تخلصين حتى لو قلتي لهم انج فيج توام وعرفوا جنسهم آسفة تحمست بس انا هالموضوع ماطيقه اللي هو لقافة الحريم وع الله يقطع هالاشكال 😷😷

فعلا كلامهم ينرفز انا قلقت عشان صارت هالمواقف لأختي وهي جابت التوأم بالعلاج وتعبت فيهم ويوم دروا الناس بآخر حملها صاروا يقولون ليش يعني تخبي يعني من اللي بيحسدها ويقولن الناس صارت موضه تجيب توائم ومره كلام زفت ومن كثر كلامهم صارت لولدها مشاكل وولدت اخر السادس وكل شوي يمرضون والنَّاس ماتركتها بحالها رغم وحده من الي قالوا ليه تخبي يوم زوجة ابنها حملت بطفل واحد صارت تخبي وماتقول حتى هي بالشهر الكم الله يهديهم ويشغلهم بحالهم