قصتي معكم

السلام عليكم ♥️✨


انا اهملت بيتي في الويكند بسبب ظروف مريت فيها
يعني كنت اطبخ و ناكل و م اغسل و غسيل الملابس متراكم 😢
و البيت م انكنس من يومين💔


ف سويت لي جدول في راسي باذن الله ساعتين زمن أكون انجزت البيت كله و أرجع اوافيكم باللي انجزته و اللي لا ...


الحين اول شي ب ارتب غرفتي و اشغل الفواحه
بعدين أولع على فحم عشان تنعشني ريحه البخور
بعدها ب أحط دفعه ملابس + دفعه مواعين ف الجلايه
اكنس البيت و اشيل الغسيل القديم يكون الغسيل انتهى و انشره ...
و ارجع للمطبخ للقدور و المواعين م اللي م تدخل الجلايه 😓💔
و اثناء هذا كله اطبخ غدانا


و الكراكيب لها يوم ان شاء الله 💔👊🏻

اللهم بارك ... هذي المواضيع الي تفتح النفس على التنظيف ...
مع حبي للطبخ و اقسامه...بس يبقى ركن التنظيف و التنظيم ليه مكانة خااااااصة في قلبي لأنه اول مكان زرته من 11 سنة في عالم حواء....
طبعا شقتي صغيييييرة يا دوب غرفة نومي و غرفة البنات ... مطبخ و صالة صغيرة مفتوحة عليه .. و حمام أكرمكم الله... لا بلكونات و لا مجالس ضيوف و لا غرف زايدة... ساعتين انظف و أغسل و امسح و يخلص شغل البيت .....

مساء الخير ✨
رجعت لكم بعد الإنجاز الحمدلله 🙏🏻♥️

الحمدلله خلصت المطبخ انا و عيالي تساعدنا 😍
و مسحت الثلاجة و الماكرويف و الفرن و الجلايه من برا
و غسلت دفعتين ملابس
و طبقت ملابسي انا و زوجي و ولدي
و عيالي كل واحد طبق ملابسه
و كل واحد كنس غرفه و الحمدلله خلصنا في ساعتين و شوي
و طبخت و تغدينا الحين أكتب لكم و انا مروقه و جالسه اتقهوى قشر و اذاكر لعيالي 😴♥️

الباقي مسح السراميك + كنيس المجلس و تنظيفه تنظيف عميق
بعد المغرب ان شاء الله 😓

من جد أحب الأقسام لقلبي ♥️♥️
اذا حسّيت بكسل او برود ع طول ادخل اقرأ مواضيع البنات و أتحمس غصب ...
يكفي ان كل وحده تكتب تجربتها بضمير و تحب لغيرها مثل م تحب لنفسها 😭♥️

اهلا حبيبتي
الف سلامة عليك طمنينا عنك كيف الاحوال
اتمني اشوف جدولك اذا امكن نرسليه عالخاص اكون شاكرة
الله يشفيك ويقويك