التجمع ال ٣٨ لأجمل حوامل وأمهات التوائم ❤️❤️

السلام عليكم
ماشاء الله التجمع رائع ومفيد قريت من اغلب الصفحات وايد استانست وعشت المواقف واللحظات و دمعت عيوني من قصص الولادة
الحمد لله على سلامة من ربت و الله يحفظ لها عيالها و يحميهم و الله يسر للباقيات و يسهل امورهن
بعد سنوات زواج الله اكرمني بالحمل والحمدلله توام وحاليا بالشهر الثالث الاسبوع 11 اموري زينة الحمد لله لكن
ذبحني الترجيع والغثيان اي شيء اكله على طول ارجع صرت خايفة لان حتى الادوية اشربها ارجع ترقدت فالمستشفى
كان عندي جفاف دكتور جرب كل الادوية و ما نفعت وياي للاسف الترجيع نفسه ماقل ابدا
بغيت اسالكن متى يوقف الترجيع فاي اسبوع ؟؟
هل ربط لعنق الرحم ضروري للحامل بتوام ؟؟ واذا في وحدة منكن ما سوت ربط تخبرني بليز و مشكورات مقدما

هلا بك حبيبتي مبروك الحمل والتواىم الله يبلغك فيهم وتشوفيهم بصحة وعافيه بحضنك
انا الوحم خف مع بدايه الشهر الرابع حاولي تكثري عصيرات طبيعيه وسواىل لان امتصاصه في المعده اسرع يمكن الجسم يلحق يستفيد قبل ماترجعي انا كنت كذا كل شيء بالخلاط حتى الخضار الورقيه واشربها نص ساعه ساعه بالكثير ارجع كنت احيانا ارجع عصارة المعده معناتها انهضم الله يعينك فتره وتعدي اصبري واحتسبي بنسبه لربط ماعندي فكره انا اخدت دفستون وابر بدايه الرابع صرفت لي تحاميل طفشت من الابر والوضع مستقر والحمد لله

ان شاء الله بسوي عصاير والله يعين لين بداية الرابع

انا بعد اخذ تحاميل مرتين فاليوم وابرة كل اسبوع

مشكورة ما قصرتي و الله يتمملج على خير و يفرحج بشوفتهم بخير وسهاله

هلا ستايل عليكم السلام
الوحم هانت ان شاءالله من الشهر الرابع يختفي وبالنسبه للربط مو ضروري كل وحده حسب حالتها أوقات يكون عنق الرحم قصير او لأقدر الله فيه إجهاضات سابقه لكن ان شاءالله ماتحتاجينه اهم شي الراحه في حمل التوأم ماترهقين نفسك ولا تتحركين كثير وان شاءالله ربي يتمملك على خير

مشكورة يزاج الله خير و الله يتمم لي و لج و الكل الحوامل على خير يارب و يفرحنا بشوفتهم بصحة و سلامة