أصعب موقف ماراح تنسينه😢😭

وفاة ست الحبايب وانا صغيرة مؤلم كنت احسب اني بموت وراها
الله يرحمها واموات المسلمين

وفاة الوالد الله يرحمه
وطلاقي الأول
للحين أذكره كنه أمس
كنت راجعة من السوق أمي قالت لي أخت فلان اتصلت وقالت يبي يطلق
وانا مالي اسبوعين متزوجة
ولا اعرف شو صار ولا ليش يبي يطلق
طبعا وقتها ما كان عندي موبايل
يعني ما قدرت أتصل عليه
و حددو يوم نروح المحكمة
وكنت ناوية أسأله
ليش و شو صار
تفاجأت انه وكل أخوه عشان يطلق 💔💔💔💔
قسما بالله موقفي كان يعور القلب
وقعدت شهور وشهور وانا أصيح منه
طبعا لا يجي في بالكم اني ما عجبته
لا والله
قعدت شهور يخطب وانا ارفض
ولا أمي ترفضه
لأنه كان مطلق
بعد الحاح قوي منه و استخرت ووافقت عليه
بس شو ياه فجأة و طلق
والله ليومكم ما أعرف
مر ع السالفة حول ال١٤ سنة
والحمدلله الحمدلله الحمدلله
ربي عوضني بتاج راسه هو وأهله كلهم
الطلاق إللي كنت أصيح عليه
صرت أحمد ربي عليه
فرق الثريا عن الثريا بينه و بين ريلي
ريلي يحفظه لي

وفاة اخويه الكبير رحمه الله رحمه واسعة
اقوى صدمه كنت وقتها بالخارج وكلمني الاربعاء سبحان الله كأنه كان بيودعني وتوفى الجمعة
وكان مستعد ومتجهز بيسافر ابها ومجهز شنطته وتوفى يسكنه قلبيه والله ايامها بغيت انجن ماني مصدقه استغفر الله
وكانت السفرة الأخيرة 😭😭😭😭😭😭😭
آه يارب الثبات عند المصيبة

الموقف اللي عمري ما راح انساه يوم حفلة تخرجي لما نادو اسمي من بين المتفوقين علشان التكريم و كل البنات امهاتهم معاهم و انا لحالي لا ام و لا اب مت بكى و ما انسى دكتورتي كيف ضمتني وبكت معاي و طبعاً خلص الحفل و انلطعت ساعتين لين ما جاء احد اخذني اااه ياربي للحين قلبي يوجعني

وفاة اخوي الصغير بحادث كانت صدمه صدمه ماقدرت اتحملها صار له 8 سنوات و5 شهور واسبوعين ميت يومها بكيت بكيت اه ياقلبي كأنه اللي صار اليوم مب قبل 8 سنوات