التجمع الثاني لأمهات سبتمبر (٩) واكتوبر (١٠) ٢٠١٨

لازم تحليل لان الإبر المسيلة يمكن تسبب نزيف من مستشفى لمستشفى يختلف بعضهم كأنه من جيبه يعالجك ... انا كانو يشوفون السيوله كل شهر تحليل وقال لي الاستشاري ترا الإبر هذي وقائية بس احتياط نسويلك التحليل لكن اول ماصرفوها كان بتحليل وبعدها اعتمدوها لي بكل حمل ... ماستخدمها الا الأشهر الاخيره قالو ممنوع تركينها الاولى ممكن نتهاون معك بس الاخيره خطره لان فيها تغذية الجنين من الدم وهرمونات الحمل نفسها تخثر الدم فلا قدر الله يتوقف نبضالجنين وبعد تكونين عرضه للجلطات لان عندي خلقه تخثر بسيط فالدم اخذه بس وقت الحمل

انا حملي السابق بس جو اسبرين لكن هالمره من اول زياره كان دكتوري مو موجود ورحت للمساعده حقته وهي صرفتها ليه بدون اي تحليل وبعدها دكتوري قالي استمري عليها مع الاسبرين بس مره تعبتني على طول فخوذي كدمات منها

مساء الخير عليكم جميعاً
كيفكم كروشات وحشتوني
الوحم لاعب فينا لعب غبنا عن التجمع ماشاء الله اشوف كثير جدد الله يحييكم نورتونا
ودي اروح اسوي سونار اعرف أنا بالاسبوع كم حايسه مره
سويت سونار بالاسبوع السابع بمركز صحي بس ماقالت لي بالاسبوع كم ولا حسبتلي وانا نسيت اسألها

الله يحييك
نفسي اول أشعه كنت مفهيه مدري وش ابي يوم رجعت البيت استوعبت اني ماسئلتها عن شي كان همي النبض بس مكتوب على الإشعة البيانات
والوحم الله يعديه على خير احس حاسة الشم صايرة مركزة كل شي له ريحة مزعجة 😅

صحيح متعبه جدا اذا جا وقت الولادة الممرضات يقولون وش هذا اللي في فخذك كأنه عنف اسري بس مثل ماقلت لك حرصو علي كثير الأشهر الاخيره حاولي تأخذينها يوم ويوم لا بس لاتقطعينها بالمره