هل تعانون مثلي ولا بس انا

السلام عليكم اخواتي الحوائيات
كيفكم مع البرد
اختكم في الله جواهر
تعاني معاناه كبيره وتحاول تتماسك وتطلب من الله العون والصبر
اتجلد واتصبر ولكن وصل السيل الزبى
ولاعاد اقدر اتحمل
تعبت ياناس
كل يوم اقول بكره ماراح اسوي هالشي ولازم اتماسك واطنش وأعيش يومي
بس شي غصب عني يخليني اضعف واكرر غلطتي
واتمادى بالغلط كمان
انا احس بتانيب ضمير فضيع مايخليني ارتاح
انا اعاني من شي اتوقع فيه منكم تعانيه
الا وهو
الجوع في الليل😀😀
البرد ليله طويل الساعه ماتزحف والوقت مايمشي
اتعشى بعد العشاء عشوه عليها الكلام واقول خلاص هذي تشبعني للصبح
ولاني اكثر احيان العشاء مع اني اخفف قد ماقدر عشان الدايت
بس اذا حسيت نفسي كثرت
كوب شاهي اخضر يريح ضميري ويخليه يغط في سبات عميق ع اساس اللي عليه سويته
ماتوصل 11 الا عصافير بطني تزقزق ع قوله المصاروه
أتجاهل الشعور هذا واحقره واضحك منه واذكر نفسي بالعشوه اللي التهمتها من كم ساعه
اخدر عصافيري شوي بس ماااش
مالقى نفسي الا كافته راسي فالثلاجه والتهم ماغلي ثمنه وقل وزنه ولا حتى لو ثقل وزنه ما عندي مشكله
اول ماحس العصافير هجدت يجيني تأنيب الضمير
بسرعه البرق ازبن الشاهي الاخضر واخذ كمان كوب
وارجع امارس يومي عادي
الليل طويل مايتحرك
بعد ساعتين ثلاثه العصافير تصيح وتزقزق ثاني حشى ورع مولود كل ساعتين يرضع مو بطن
ويروح الليل وانا اكل واقول اخر مره
والدايت اللي نويت عليه فالنهار راح هبا منثور بلا دايت بلا برطيخ ع قوله جدتي
اتوقع مايخلص البرد الا أنا زي البرميل
هل انتم تعانون من جوع ليل الشتاء الطويل ولا بس انا
لان الوضع زاد عن حده وشكيت انه فيه دود بببطني هل انتم مثلي ولا اتعالج واتدبر بعمري
الوضع ماعاد ينسكت علاه ياحريم